TOShKENT, 29 avg — Sputnik. Sog‘liqni saqlash vazirligi inson tana a’zolarini noqonuniy ko‘chirish va savdo qilish jinoyatini sodir etgan shaxslarga 10-yilga ozodlikdan mahrum etish jazosini qo‘llashni taklif qilmoqda. Qonun loyihasi normativ huquqiy hujjatlarni muhokama qilish portalida xalq muhokamasiga qo‘yilgan.
Qonun loyihasiga ko‘ra, inson tana a’zolarini yoki to‘qimalari ajratib olish va ajratib olishga undagan shaxslarni ozodlikdan cheklash yoki 3-yildan 5-yilgacha ozodlikdan mahrum etish jazosini qo‘llash taklif qilingan.
Og‘irlashtiruvchi holatlarda jinoyatchilarni 5-yildan 8-yilgacha ozodlikdan mahrum etish, inson o‘limi holatlarida 8-yildan 10-yilgacha ozodlikdan mahrum qilish bilan jazolash taklif etilgan.
Ushbu hujjat loyihasi 2017-yil 7-sentabriga qadar muhokama qilinadi.
Qonunni 2018-yil 1-yanvardan kuchga kiritish rejalashtirilgan.
O‘tgan haftada Sog‘liqni saqlash vazirligi tomonidan O‘zbekiston normativ-huquqiy hujjatlar muhokamasi portalida inson organlari, to‘qimalari va (yoki) hujayralarini transplantatsiya qilish haqida qonun loyihasi umumuy muhokamaga qo‘yilgani haqida xabar bergan edik.
