Turizm

Oʻzbekiston Xitoy va Rossiya sayyohlik bozorlariga chiqish rejalarini tayyorlamoqda

© Iz lichnogo arxiva Sergeya AksenovaMedrese Sherdor na ploщadi Registan v Samarkande
Medrese Sherdor na ploщadi Registan v Samarkande - Sputnik Oʻzbekiston
Obuna boʻlish
Yandex newsTelegram
Respublika rahbariyati tomonidan Jahon sayyohlik tashkiloti bilan birgalikda dunyo sayyohlik istiqbolli bozorlariga chiqish strategiyasi va mamlakat brendini ishlab chiqish boʻyicha ish olib boriladi

TOSHKENT, 29 avg — Sputnik. Oʻzbekiston turizmni rivojlantirish davlat qoʻmitasi Jahon sayyohlik tashkiloti bilan hamkorlikda Xitoy, Rossiya, Janubiy Koreya, Indoneziya va Malayziya sayyohlik bozorlariga chiqish boʻyicha marketing rejalari ishlab chiqadi. Bu haqda qoʻmita raisi Aziz Abduxakimov Jahon sayyohlik tashkiloti bosh kotibi Taleb Rifai bilan oʻtkazilgan uchrashuvi chogʻida maʼlum qildi.

Oʻzbekistondagi sayyohlik stendi - Sputnik Oʻzbekiston
Turizm
Oʻzbekiston sayyohlik salohiyati BMT eʼtiborida

Bundan tashqari, Jahon sayyohlik tashkiloti oʻzbekistonlik mutaxassislarni tayyorlash va qayta tayyorlashda ishtirok etadi.

Oʻzbekiston prezidenti Shavkat Mirziyoyev 27 avgust kuni BMT Jahon sayyohlik tashkiloti bosh kotibi Taleb Rifaini qabul qildi.

Uchrashuvda turizm sohasidagi amaliy hamkorlikni yanada mustahkamlashning istiqbolli yoʻnalishlari muhokama qilindi.

Oʻzbekiston va Markaziy Osiyo mintaqasi boʻylab sayohatlarni ommalashtirish boʻyicha oʻzaro muvofiqlashtirilgan chora-tadbirlar koʻrish, turizmning yangi turlarini rivojlantirish va xaridorgir turizm mahsulotlari ishlab chiqish, xalqaro andozalarga javob beradigan zamonaviy infratuzilma yaratish masalalariga alohida eʼtibor qaratildi.

Eslatib oʻtamiz, Oʻzbekiston Jahon sayyohlik tashkilotiga 1993 yilda aʼzo boʻlgan. 2004 yildan Samarqand shahrida ushbu tashkilotning Buyuk ipak yoʻli boʻyicha mintaqaviy ofisi faoliyat yuritmoqda. Hamkorlik natijasida oʻtgan davrda Oʻzbekistonning turizm sohasidagi salohiyatini roʻyobga chiqarish hamda jahon turizm bozorida targʻib qilishga qaratilgan oʻnlab muhim loyihalar amalga oshirildi. Jumladan, 2014 yil oktyabr oyida Oʻzbekistonda tashkilot Ijroiya kengashining sessiyasi muvaffaqiyatli oʻtkazildi, unda sayyohlik sohasidagi hamkorlikni yanada kengaytirish va "Buyuk ipak yoʻli" brendini keng ommalashtirish boʻyicha Bitim imzolandi.

Yangiliklar lentasi
0