TOShKENT, 31 avg — Sputnik. O‘zbekiston va Qirg‘iziston chegaraning umumiy uzunligini 80 foizini tashkil etuvchi ikki tomonlama shartnoma loyihasi kelishuvdan o‘tkazildi, deb xabar qildi TIV matbuot xizmati.
Xabarda aytilishicha, 2017-yilning 21-31 avgust kunlari avval Bishkek, so‘ngra Toshkent shaharlarida O‘zbekiston-Qirg‘iziston Davlat chegarasini delimitatsiya va demarkatsiya qilish masalalari bo‘yicha uchrashuvlar bo‘lib o‘tdi.
Ushbu muzokaralar O‘zbekiston Hukumat delegatsiyasi ishchi guruhi va Qirg‘iziston Hukumat delegatsiyasining topografiya va yer tuzish ishchi guruhi o‘rtasida o‘tkazildi.
Eslatib o‘tamiz, 16-avgustda O‘zbekiston bosh vaziri Abdulla Aripov o‘zbek-qirg‘iz davlat chegarasi bo‘yicha davlatlararo oraliq shartnomasini tayyorlash masalasida tomonlar sezilarli siljishga erishganini bildirgan edi.
