Jamiyat

Olmaotadan "Oʻzbekiston havo yoʻllari" samolyoti nosozligi tufayli ucha olmadi

Obuna boʻlish
Yandex newsTelegram
"Oʻzbekiston havo yoʻllari" milliy aviakompaniyasiga qarashli samolyot nosozligi tufayli ucha olmaslik holati ikkinchi marta sodir boʻlmoqda

TOSHKENT, 8 sen — Sputnik. Olmaotadan Toshkentga "Oʻzbekiston havo yoʻllari" MAKga qarashli A320 samolyot texnik nosozligi tufayli parvoz 7 soatga kech qolgan. Yoʻlovchilarni olib ketish uchun boshqa samolyot yuborilgan. Bu haqda RIA Novosti milliy aviakompaniya vakiliga tayangan holda xabar bergan.

Samolet aviakompanii Uzbekistan Airways na vzletnoy polose v aeroportu - Sputnik Oʻzbekiston
Iqtisod
Toshkent xalqaro aeroportining uchish-qoʻnish yoʻlagi qayta taʼmirdan chiqdi

Aviakomaniya maʼlumotiga koʻra, kuni kecha Moskva vaqti bilan soat 15-55 da "Oʻzbekiston havo yoʻllari" HY766 reysi 135 yoʻlovchisi bilan texnik nosozlik tufayli Olmaotadan parvozni amalga oshira olmagan.

Aviakompaniyaning texnik mutaxassislari Olmaotaga boshqa A320 samolyotida uchib borganlar. Ushbu samolyotda yoʻlovchilar Toshkentga uchib kelishgan.

Eslatib oʻtamiz, «Oʻzbekiston havo yoʻllari» milliy aviakompaniyasiga qarashli samolyot 5 sentyabr kuni Tailand poytaxti Bangkokdan Toshkentga HY532 reysi 216 yoʻlovchisi bilan ucha olmagan.

Aviakompaniya 90 dan ortiq yoʻlovchiga 8 sentyabr kuni Toshkentga Kuala-Lumpur orqali uchishni taklif etgan. Toshkent orqali Bishkek, Tel-Aviv va Rossiyadagi shaharlarga uchayotgan 90 kishiga ham muqobil yoʻnalishlar taklif etilgan. Ayni vaqtda yana 30 kishini Oʻzbekistonga olib kelish ustida ish olib borilmoqda.

Yangiliklar lentasi
0