O‘zbekistonda qotil umrbod qamoq jazosiga mahkum qilindi

© REUTERS / Samrang PringNaruchniki
Naruchniki - Sputnik O‘zbekiston
Obuna bo‘lish
Jinoyatchi o‘zi ishlab turgan xonadon egalarini oshxona pichog‘i bilan so‘ygan va uydan 82 ming dollar va 7 million so‘m, shuningdek umumiy qiymati 18 millionga baholangan turli buyumlarni olib chiqib ketgan

TOShKENT, 14 sen — Sputnik. Jinoiy ishlar bo‘yicha Toshkent viloyat sudi ikki kishi qotilligi bilan bog‘liq shov-shuvli ishni ko‘rib chiqib, yakuniy xulosani e’lon qildi. Hodisa aprel oyida Toshkent viloyatida ro‘y bergan, deb xabar qilmoqda Sputnik O‘zbekiston muxbiri.

Andijondagi "Jahon" buyum bozorida o‘g‘irlik qilgan ayollar qo‘lga olindi
Sud instansiyasi ma’lumotlariga ko‘ra, muqaddam uch marta sudlangan, 1981-yilda tug‘ilgan Shavkatjon Mahkamov Yuqorichirchiq tumanida yashovchi N. Kimning xonadoniga yollanma ishchi tariqasida ishga joylashgan.

"Mahkamov jinoyatni oldindan rejalashtirgan bo‘lgan. 15-aprel kuni u oshxona pichog‘i bilan qurollangan va xonadon egasi hamda uning rafiqasini o‘ta shavqatsiz usulda o‘ldirgan. Shundan so‘ng u qotillik qurboni bo‘lgan fuqarolarga tegishli 82 ming dollar va 7 million so‘mni, shuningdek umumiy qiymati 18 million so‘m bo‘lgan turli buyumlarni uydan olib chiqib ketgan. Qotil marhumlarga tegishli "Sprak" mashinasiga minib hodisa joyidan g‘oyib bo‘lgan", — deya xabar qilishgan Toshkent viloyati prokuraturasi matbuot-xizmatida.

Mahkamov oradan ikki kun o‘tgach tegishli ashyoviy dalillar bilan qo‘lga olingan.

Sud jinoyatchiga umrbod qamoq jazosini tayinlagan.

Yangiliklar lentasi
0