TOShKENT, 14 sen — Sputnik. O‘zbekistonda 5-sentabrdan boshlab erkin konvertatsiya ochilgan edi. Bugun ushbu muhim islohotning birinchi natijalari qayd qilindi.
Bugun, 14-sentabr kuni "Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida"gi prezident farmoni ijrosiga bag‘ishlangan matbuot anjumani bo‘lib o‘tdi.
Unda Markaziy bank raisi birinchi o‘rinbosari Temur Aminjonovich Ishmetov so‘zga chiqib, konvertatsiya ochilganidan qancha mablag‘ almashtirilganini ma’lum qildi.
Ishmetov ma’lumotiga ko‘ra, 5-sentabrdan beri tijorat banklarida jismoniy shaxslar tomonidan jami 200 mln dollar mablag‘ almashtirib olingan, yuridik shaxslar esa ushbu davr mobayonida 100 mln dollarga yaqin mablag‘ almashtirgan.
Markaziy bank o‘rinbosari ushbu natija kutilganidan ham yaxshiroq ekanligini qayd qildi. Shuningdek, Ishmetov valyuta ayrboshlashda hech qanday cheklovlar yo‘qligini va naqd pul yetishmoqchiligi kuzatilmaganini qayd qildi.
