O‘zbekistonda sudlanganlik uchun ishga qabul qilishni rad etish taqiqlanadi

© Sputnik / Sergey Patakov / Mediabankka o‘tishRabota priyemnoy komissii MFTI
Rabota priyemnoy komissii MFTI - Sputnik O‘zbekiston
Obuna bo‘lish
Bu haqda Qonun loyihasi talablariga ko‘ra O‘zbekiston Mehnat Kodeksining 78-moddasiga tegishli o‘zgartish kiritish nazarda tutilgan

TOShKENT, 13 sen — Sputnik. O‘zbekiston Adliya vazirligi tomonidan sudlanganlik uchun ishga qabul qilishni rad etishni taqiqlash to‘g‘risida qonun loyihasi ishlab chiqildi, deb xabar qildi Sputnik muxbiri.

Molotok sudi v rayonnom sude - Sputnik O‘zbekiston
Jinoyat quroli sifatida foydalanilgan mulkni musodara qilish taqiqlanishi mumkin

"O‘zbekiston Respublikasi Mehnat kodeksiga o‘zgartish va qo‘shimchalar kiritish to‘g‘risida"gi Qonun loyihasi jismoniy va yuridik shaxslar murojaatlarining tahlili asosida tayyorlandi. Shu bilan birga ushbu dolzarb muammoni O‘zbekiston prezidenti ham shu yil iyul oyida Oliy Majlis qo‘shma palatalarining yig‘ilishi davomida ko‘targan edi.

"Mamlakatda 20-yil ichida shunday tizim yaratildiki, yaxshi va qobiliyatli kadrlarni davlat boshqaruviga otasi, akasi sudlanganligi sababli jalb etilmagan edi. Har bir odam o‘ziga javob bersin. Ota o‘ziga, o‘g‘il o‘ziga, aka o‘ziga javob berishi kerak, endi fuqaro vatanparvar va tashabbuskor bo‘lsa boshqaruvga jalb qilamiz", — degan Shavkat Mirziyoyev.

Yangi hujjatda Mehnat Kodeksining 78-moddasiga tegishli o‘zgartish kiritish nazarda tutilgan. Ushbu modda yangi band bilan to‘ldiriladi. Ya’ni yaqin qarindoshlari sudlanganligi uchun talabgorni ishga qabul qilishni noqonuniy ravishda rad etish taqiqlanadi.

Tashkentskiy oblastnoy sud - Sputnik O‘zbekiston
O‘zbekiston sudlarida fuqarolar uchun shikoyatlar qutisi o‘rnatiladi
Adliya vazirligiga ko‘ra, ushbu normalar Fransiya, AQSh, Latviya, Italiya va Buyuk Britaniya qonunchiligida amal qiladi.

Mutaxassislarning fikriga ko‘ra, ushbu o‘zgartish vatanparvar, tashabbuskor, bilimli, davlat boshqaruviga intilgan kadrlarni jalb etishga xizmat qiladi. Bu bilan fuqarolarning erkin mehnat qilishni tanlash huquqi ta’minlanadi.

Bugungi kunda loyiha ko‘rib chiqish uchun Vazirlar Mahkamasiga kiritilgan.

Yangiliklar lentasi
0