TOShKENT, 16 sen — Sputnik. O‘zbekiston Tashqi mehnat migratsiyasi agentligi fuqarolarni Rossiyada ishlashga taklif etmoqda.
Agentlikning ijtimoiy tarmoqdagi sahifasida bildirilishicha, avtosanoat, qurilish, yog‘och sanoatida ishlash tajribasi bo‘lganlar hamda yuk mashinasi haydovchilari Rossiyadagi korxonalarga ishga taklif etiladi.
Nomzodlarning yoshi taklif etilayotgan sohaga qarab 20 yoshdan 50 yoshgacha bo‘lishi, rus tilini bilishi talab etiladi.
Oylik maoshlar sohasiga qarab 30 ming rubldan boshlanadi.
Agentlik shuningdek, boshqa mamlakatda ishlash uchun asosiy shartlardan biri nomzodga nisbatan deportatsiya mavjud bo‘lmasligi lozimligini bildirmoqda. Shu bois ishlash istagida bo‘lganlar birinchi navbatda o‘zlariga nisbatan Rossiyaga kirishga taqiq bor-yo‘qligini aniqlab olishlari so‘ralgan.
