TOShKENT, 18 sen — Sputnik. Rog‘un GESi G‘arb tomonidan beriladigan pullar evaziga qurib bitkaziladigan bo‘ldi.
Tojikiston davlat obligatsiyalarining 500 million dollar qiymatdagi paketi AQSh, Buyuk Britaniya va Yevropa Ittifoqidagi sarmoyadorlar tomonidan xarid qilindi, deb xabar berdi Tojikiston Milliy banki.
Pullar Rog‘un GESi qurilishini bitkazish uchun sarflanishi aytilmoqda.
Dushanbe "asr qurilishi" ni tugallash uchun zarur bo‘lgan to‘rt milliard dollarning bir milliardini qarzga olishni rejalashtirgan.
Mamlakat Moliya vazirligi ma’lumotlariga ko‘ra, "Rog‘un GESi" OAJ aksiyalari sotuvidan aholidan 80 million dollardan ortiq mablag‘ yig‘ib olingan.
