Jamiyat

Toshkentda uch oy aliment toʻlamagan erkakka qamoq jazosi berildi

© Sputnik / Konstantin RodikovZaderjannыy na zasedanii suda
Zaderjannыy na zasedanii suda - Sputnik Oʻzbekiston
Dastlabki tergov hujjatlariga koʻra, Saydullayev voyaga yetmagan, ijtimoiy himoyaga muhtoj shaxsni boqish va tarbiyalash uchun zarur aliment pulidan boʻyin tovlab, uni jami uch oydan buyon toʻlamay kelgan

TOSHKENT, 18 sen — Sputnik. Toshkentda uch oydan beri aliment toʻlamagan er qamoqqa olindi, deb xabar qildi "Oʻzbekiston 24" nashri.

Xabarga koʻra, Toshkent shahar Sergeli tuman sudi tomonidan Toshkent davlat yuridik universiteti qoshidagi akademik litseyda sayyor sud majlisi tashkil etilgan.

Ona va bola - Sputnik Oʻzbekiston
Jamiyat
Aliment toʻlamaganlar qay tarzda jazolanadi? Oʻzbekistonda yangi qonun muhokama qilinmoqda
Majlisda aliment pulini toʻlashdan bosh tortgan Muhiddin Saydullayev ishi koʻrib chiqilgan.

Dastlabki tergov hujjatlariga koʻra, Saydullayev voyaga yetmagan, ijtimoiy himoyaga muhtoj shaxsni boqish va tarbiyalash uchun zarur aliment pulidan boʻyin tovlab, uni jami uch oydan buyon toʻlamay kelgan.

Sud majlisida davlat ayblovchisi suddan Saydullayev jabrlanuvchiga yetkazilgan moddiy zarar qoplanmagani va jabrlanuvchining daʼvosi borligini inobatga olib, unga nisbatan qoʻllanilgan kafillikni qamoqqa olish tarzidagi ehtiyot chorasiga almashtirishni soʻradi.

Sud ushbu iltimosnomani muhokama qilib, qamoqqa olish ehtiyot chorasini qoʻllash haqida hukm chiqardi.

Ilgariroq Oʻzbekiston Respublikasi Maʼmuriy javobgarlik toʻgʻrisidagi Kodeksiga qoʻshimcha band kiritilayotgani, unga koʻra 2017 yil 1 iyuldan boshlab bir oydan ortiq aliment toʻlovlarini toʻlamagan shaxslarga nisbatan 15 sutka maʼmuriy qamoqqa olish chorasi qoʻllanilishi haqida xabar qilgan edik.

Bu voyaga yetmaganlarni boqish yoki ishlashga layoqati boʻlmagan va moddiy yordamga muhtoj boʻlgan ota-onalarga tegishli boʻladi.

Shuningdek, alimentni toʻlashdan boʻyin tovlash faqat takroran sodir etilgan taqdirda jinoiy javobgarlikka tortiladi, yaʼni 2 yilgacha axloq tuzatish ishlari yoki 1 yilgacha ozodlikdan mahrum qilish jazo choralarini koʻllash belgilanadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala