Yirik firibgarlik: "Mikrokreditbank"ning bir guruh xodimlari qamoqqa olindi

© fotoliaQonun va odil sudlov ramzlari
Qonun va odil sudlov ramzlari - Sputnik O‘zbekiston
Obuna bo‘lish
Firibgarlar mavjud bo‘lmagan fermer xo‘jaliklari nomiga soxta kreditlarni rasmiylashtirgan, ular shuningdek 53 mijozning, umumiy hisobda 1,7 milliard so‘m omonatlarini o‘zlashtirishgan

TOShKENT, 19 sen — Sputnik. Jinoyat ishlari bo‘yicha Qo‘qon shahar sudi "Mikrokreditbank" AK Qo‘qon filialining bir guruh xodimlariga nisbatan qo‘zg‘atilgan jinoyat ishini ko‘rib chiqishni yakunladi, deb xabar qildi Sputnik muxbiri.

Naruchniki - Sputnik O‘zbekiston
O‘zbekistonda qotil umrbod qamoq jazosiga mahkum qilindi
Sudlanuvchilar kursisidan filial boshqaruvchisi Jabborali Usmonov, pul operatsiyalari bo‘limi boshlig‘i Zohid Sodiqov, bosh hisobchi o‘rinbosari Shodiyor Raxmataliyev, shuningdek turli lavozimlarni egallagan yana to‘rt nafar bank xodimi o‘rin olganlar.

Muxbir xabariga ko‘ra, firibgarlar 53 kishining omonatini o‘zaro bo‘lishib olgan. O‘g‘irlangan summaning umumiy miqdori 1,73 milliard so‘mni tashkil qilgan.

Bundan tashqari, filial boshqaruvchisi Usmonov soxta hujjatlar yordamida o‘z akasi boshqaruvida bo‘lgan fermer xo‘jaligi nomiga Cobalt avtomobiliga kredit rasmiylashtirgan. Ushbu kreditni yopish uchun yana bir firibgarlik sxemasi ishga solingan bo‘lib, natijada soxta hujjatlar yordamida turli korxona va firmalar xisob raqamlaridan fermer xo‘jaligiga 31 million so‘m o‘tkazib berilgan.

"Tergov ishlari davomida jinoyatchilar bank hisobiga aholidan kelib tushgan elektr energiya uchun to‘lov pullari — 13,4 ming dollaru 148 million so‘mni o‘zlashtirganliklari aniqlangan. Firibgarlar bu pullarning bir qismini o‘zlari o‘g‘irlagan xalq omonatlarini yopish uchun yo‘naltirganlar", — deb xabar qilgan MXX xodimi.

Jinoiy guruh, shuningdek, bu vaqtga kelib o‘z faoliyatini to‘xtatgan to‘qqizta fermer xo‘jaliklari nomlariga imtiyozli kreditlarni rasmiylashtirgan.

Punkt obmena valyut - Sputnik O‘zbekiston
Toshkentda 500 ming dollarga yaqin valyutani o‘zlashtirgan bankirlar jazoga tortildi

Sud to‘plangan materiallarni ko‘rib chiqib, Jabborali Usmonovni 12-yilga ozodlikdan mahrum qilgan. Shodiyor Rahmataliyevga — 10-yil, Zohid Sodiqovga — 8-yil qamoq jazosi tayinlangan.

Bundan tashqari, sudlanuvchilar 3-yilgacha rahbarlik kursilarini egallashdan mahrum etilganlar.

Jinoiy guruhning qolgan to‘rt nafar ishtirokchisi ham Jinoyat kodeksining tegishli moddalari bo‘yicha turli muddatlarga ozodlikdan mahrum etilib, har biriga eng kam ish haqining 300dan 400 baravarigacha jarima solingan.

Yangiliklar lentasi
0