TOShKENT, 20 sen — Sputnik. Rossiya xavfsizlik kengashi kotibi Nikolay Patrushev xavfsizlik masalalari bo‘yicha Rossiya-O‘zbekiston maslahatlashuvlarini o‘tkazish uchun Toshkentga yetib keldi, deb xabar berdi RIA Novosti kengash matbuot kotibi Yevgeniy Anoshinga asoslanib.
Shu yilning may oyida Patrushev xavfsizlik masalalari bo‘yicha yuqori lavozimli vakillar bilan bo‘lib o‘tgan Sakkizinchi xalqaro uchrashuvda Rossiya va O‘zbekiston maxsus xizmatlari va mudofaa mahkamalari hamkorligini muhokama qilgandi.
2017 yil iyunida ShHT bosh kotibi Rashid Alimov Osiyodagi hamkorlikka bag‘ishlangan forum anjumanida mintaqadagi xavfsizlikni faqatgina birgalikda ta’minlash mumkinligini bildirgan edi.
