O‘zbekistonda sudyalar ustidan nazorat kuchaytiriladi

© fotoliaQonun va odil sudlov ramzlari
Qonun va odil sudlov ramzlari - Sputnik O‘zbekiston
Obuna bo‘lish
Bugungi kunda sudyani tayinlashda u faoliyat olib borgan hududda yashayotgan aholining, xususan, sudga ishi tushgan odamlar, keng jamoatchilikning fikri hisobga olinmoqda

TOShKENT, 25 sen — Sputnik. Sudyalarning oliy malaka hay’ati va sudyalar malaka hay’atlarining 2017-yilning o‘tgan davridagi ishlari, sohadagi muammolar va istiqboldagi vazifalarga bag‘ishlangan videoselektor yig‘ilishida sudyalar tomonidan odob-axloq kodeksiga rioya etish ustidan nazoratni kuchaytirish zarurli ta’kidlandi, deb xabar qildi O‘zbekiston Hukumat portali.

Simvoli zakona i pravosudiya - Sputnik O‘zbekiston
O‘zbekistonda 100 ming dollar pora olgan sudya 12-yilga qamaldi
Eslatib o‘tamiz, 13-iyun kuni o‘tkazilgan sud tizimiga bag‘ishlangan videoselektor yig‘ilishida O‘zbekiston prezidenti Shavkat Mirziyoyev "Yuksak ma’naviy-axloqiy saviyaga ega bo‘lmagan yurist kadrlar hech qachon sudya lavozimiga tayinlanmasligi kerak. Adolat va ma’naviyat — o‘zaro chambarchas bog‘liq tushunchalardir. Ma’naviyat bo‘lmagan joyda hech qachon adolat bo‘lmaydi", — deb ta’kidlagan edi.

Sudyalarni tanlash va lavozimiga tayinlash maqsadida tashkil etilgan O‘zbekiston Respublikasi Sudyalar oliy kengashi ana shu talablar asosida faoliyat yuritmoqda.

O‘zbekiston Respublikasi Oliy sudi sudyalari, Sudyalarning oliy malaka hay’ati, shuningdek, sudyalarning malaka hay’ati raislari, a’zolari va kotiblari ishtirok etgan tadbirda asosiy e’tibor 2017-yil 13-iyunda sud tizimi xodimlari bilan uchrashuvda Mirziyoyev qo‘ygan vazifalar ijrosiga qaratildi.

Sudyalik lavozimlarga nomzodlar eng malakali va mas’uliyatli mutaxassislar orasidan tanlab olinmoqda. Sudyani keyingi muddatga tayinlashda uning sud qarorlarini qonuniy va adolatli chiqarganligi, ishda qatnashgan tomonlarning vajlarini sinchiklab, xolis va beg‘araz o‘rganib to‘g‘ri xulosa berishi tahlil qilinmoqda. Sudya faoliyat olib borgan hududda yashayotgan aholining, xususan, sudga ishi tushgan odamlar, keng jamoatchilikning fikri hisobga olinmoqda.

Sud raislari o‘z faoliyati yuzasidan xalq deputatlari mahalliy Kengashlarida axborot bermoqda. Ular tomonidan berilayotgan tavsifnoma Sudyalar oliy kengashi uchun sudya faoliyatiga baho berishda asosiy hujjat bo‘lib xizmat qilmoqda.

Sudya bolg‘achasi - Sputnik O‘zbekiston
Farg‘ona sudyalari viloyat xalqi oldida qasamod qildilar
Yig‘ilishda sudyalar oliy malaka hay’ati va sudyalar malaka hay’atlarining hisobotlari tinglandi. Birinchi marta sudyalik lavozimiga tayinlanadigan nomzodlar zaxirasiga kiritish uchun tavsiya etilayotgan shaxslarni o‘rganishda yo‘l qo‘yilgan kamchiliklari, sudyalik qasamodi va sudyalar odob-axloqi kodeksiga rioya etilishi ustidan nazoratni susaytirganliklari tanqid qilindi. Ushbu vazifalarni amalga oshirishda keng jamoatchilikni jalb qilish orqali malaka hay’atlari tomonidan sudyalik lavozimiga har tomonlama yetuk, malakali, mehnat faoliyatida benuqson obro‘-e’tiborga ega bo‘lgan nomzodlarni bo‘sh o‘rinlarga muqobillik asosida tavsiya etish, sudyalarning bilim va ko‘nikmalarini oshirish borasida tegishli chora-tadbirlar belgilandi.

Yangiliklar lentasi
0