TOShKENT, 26 sen — Sputnik. O‘zbekistonda aholining 16 foizida bank kartalari mavjud emas, deb xabar bermoqda Uzcard matbuot xizmati.
Ekspertlar 18 yoshdan 65 yoshgacha bo‘lgan aholi orasida so‘rovnoma o‘tkazib ana shunday xulosaga kelishdi.
So‘rovlarda 100 nafar kishi ishtirok etdi.
Shuningdek, so‘rovnomadan ma’lum bo‘lishicha, unda qatnashganlarning 12%i kommunal xizmatlar uchun to‘lovlarni onlayn amalga oshiradi.
Atigi 2% so‘rovnoma ishtirokchilari esa kartadan kartaga pul o‘tkazishar ekan.
