TOShKENT, 30 sen — Sputnik. Bugun Toshkentda navbatdagi Mercedes avtobusi yonib ketdi, deb xabar berdi Sputnik muxbiri.
Hodisa "Buyuk ipak yo‘li" metro bekati hududida Mirzo Ulug‘bek ko‘chasida sodir bo‘ldi.
Guvohlarning aytishlaricha, avtobusning motor bo‘limi va yo‘lovchi salonining orqa qismi butkul yonib ketgan. Yo‘lovchilarning hech biri jarohatlanmagan.
Sputnik O‘zbekiston ilgari ham poytaxtda avtobuslar yonib ketishi bilan bog‘liq hodisalar haqida yoritgan edi.
Hozirda barcha Mercedes-Benz avtobuslari o‘rniga MAN A 22SPG avtobuslaridan foydalanish masalasi ko‘rib chiqilmoqda.
