TOShKENT, 7 okt — Sputnik. O‘zbekiston prezidenti Shavkat Mirziyoyev Qirg‘iziston bosh vaziri o‘rinbosari Temir Djumakadirovning bevaqt vafot etgani munosabati bilan Qirg‘iziston prezidenti Almazbek Atambayevga hamdardlik maktubi yo‘lladi. Bu haqda O‘zbekiston TIV matbuot xizmati xabar berdi.
Xabarda aytilishicha, O‘zbekiston prezidentining maktubida "Mening samimiy ta’ziyamni qabul qiling hamda marhumning oila a’zolari va yaqinlariga chuqur hamdardlik so‘zlarimni yetkazib qo‘yishingizni so‘rayman", — deyiladi.
Eslatib o‘tamiz, bugun ertalab Qirg‘iziston bosh vaziri o‘rinbosari Temir Djumakadirov YTHda halok bo‘ldi.
