TOShKENT, 16 okt — Sputnik. «O‘zgidromet» markazi ma’lumotlariga ko‘ra, 18-oktabrdan O‘zbekistonda havo haroratining keskin sovishi, yomg‘ir yog‘ishi va shamol tezligining kuchayishi kutilmoqda.
Xabarda aytilishicha, 18-oktabr kuni havo harorati kunduzi o‘rtacha +12…+17, kechasi — +9…+14 darajagacha tushadi. 19-20 oktabr kunlari esa harorat +15…+20, kechasi +5…+10 darajaga yetadi.
Chorshanba kuni respublika bo‘ylab yog‘ingarchiliklar va kuchli shamol kuzatiladi. Shamol tezligi 15-20 m/s gacha kuchayadi.
