TOShKENT, 24 okt — Sputnik. O‘zbekiston Respublikasining Ispaniya Qirolligidagi Elchixonasi maslahatchisi tayinlandi, deb xabar qildi O‘zbekiston Hukumat portali.
"Tashqi ishlar vazirligining Osiyo-Tinch okeani mamlakatlari bilan hamkorlik boshqarmasi bo‘lim boshlig‘i lavozimida ishlagan Jahongir Ganiyev O‘zbekiston Respublikasining Ispaniya Qirolligidagi Elchixonasi maslahatchisi, Muvaqqat ishlari vakili etib tayinlandi", — deyiladi xabarda.
Ilgariroq yana bir tayinlov — Zafar Nurmatov Tashqi ishlar vazirligining MDH mamlakatlari, shu jumladan Rossiya bilan hamkorlik boshqarmasi boshlig‘i etib tayinlangani haqida xabar bergan edik.
