TOShKENT, 25 okt — Sputnik. Markaziy Osiyo davlatlarida terrorizmga aloqador kamida 150 nafar shaxslarning pul mablag‘lari muzlatib qo‘yildi. Bu haqda Rossiya moliyaviy monitoring rahbari Yuriy Chixanchin ma’lum qildi.
"Shuni aytish mumkinki, biz terrorizm bilan kurashga aloqador masalalar bo‘yicha xalqaro maydonchalar, birinchi navbatda Markaziy Osiyo davlatlari bilan o‘zaro yaxshi munosabatlarni yo‘lga qo‘ydik. Biz o‘zaro ma’lumot almashmoqdamiz. Mavjud bo‘lgan ma’lumotlarimizga ko‘ra, Markaziy Osiyo mamlakatlarida kamida 150 kishining aktivlari muzlatib qo‘yilgan", — dedi Chixanchin.
Uning so‘zlariga ko‘ra, Rossiya moliyaviy monitoring Markaziy Osiyo davlatlarida yashayotgan, lekin Rossiyada bo‘lgan 100 ga yaqin odamlarning aktivlari muzlatib qo‘ygan.
"Biz Rossiya Federal xavfsizlik xizmati va tijorat banklar bilan hamkorlikda terrorchilarni moliyaviy harakati modelini yaratishga erishdik. Bu o‘z navbatida 200 ga yaqin shaxslarni aniqlash va ularga nisbatan jinoyat ishlarini qo‘zg‘atishga imkoniyat berdi. Banklar o‘zlari bu alomatlar bo‘yicha aniqlashni o‘zlashtirib oldilar. Bu eng asosiy natijadir", — deb ta’kidladi Rossiya moliyaviy monitoring rahbari.
"MDH davlatlari moliyaviy bo‘linmalari bilan hamkorlikda o‘tkazilgan maxsus "Baryer" operatsiyasi natijasida 2017-yilning o‘zida terrorizmni moliyalashtirishiga aloqador bo‘lgan 73 nafar shaxs aniqlangan" — dedi u.
Novikovning so‘zlariga ko‘ra, muntazam o‘tkazilayotgan maxsus "Tral-Antiterror" operatsiyasi natijasida 2017-yilda terrorizm uchun qidiruvda bo‘lgan, lekin boshqa umumiy jinoyatlar bo‘yicha qamoq jazosini o‘tayotgan 17 nafar shaxs aniqlangan.
Bundan tashqari, 2016-2017 yillar mobaynida markaz tomonidan MDH davlatlarida qidiruvda bo‘lgan 500 nafar xorijiy jangarilarning turar joylari aniqlandi.
Uning fikriga ko‘ra, "Islom davlati" terrorchilik uyushmasi Markaziy Osiyoda ekstremizmning yangi g‘oyasini tatbiq etmoqda. IDning Markaziy Osiyoda quyidagi murakkab hodisalarda tarqalmoqda: xususan turkiy xalqlarini birlashtirish, an’anaviy hayotga o‘zgarishlar kiritish va mintaqadagi geosiyosiy raqobat.
