Jamiyat

Prezident xususiylashtirilgan korxonalar egalarini tanqid qildi

© Press-slujba prezidenta RUzPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik Oʻzbekiston
Obuna boʻlish
Yandex newsTelegram
Mutasaddilarga mulk egalari bilan birgalikda ishlamay turgan 1200 obʼyekt faoliyatini tiklash va rivojlantirish yuzasidan loyihalar va "yoʻl xaritasi" ishlab chiqish hamda ularni amalga oshirishni taʼminlash boʻyicha chora-tadbirlar koʻrish yuzasidan topshiriqlar berildi

TOSHKENT, 28 okt – Sputnik. 27 oktyabr kuni Oʻzbekiston prezidenti Shavkat Mirziyoyev raisligida xususiy mulkchilik va tadbirkorlikni rivojlantirishga qaratilgan davlat siyosatini yangi sifat darajasiga koʻtarish, xususiylashtirilgan tadbirkorlik subʼyektlarini samarali qoʻllab-quvvatlash borasida amalga oshirilayotgan ishlar tahliliga bagʻishlangan yigʻilish boʻlib oʻtdi.

Skrepleniye pechatyami - Sputnik Oʻzbekiston
Iqtisod
Xususiy korxonalarga koʻmaklashish jamgʻarmasi nizomi tasdiqlandi

Yigʻilishda prezident viloyatlarga tashrif chogʻida xususiylashtirilgan korxonalar egalari ishlab chiqarish quvvatlaridan samarali foydalanmayotgani, korxonalarni uzoq muddatli rivojlantirish bilan shugʻullanmayotgani, ixtisoslashgan ishlab chiqarish quvvatlarini tashkil qilmayotgani, mahsulotlar raqobatbardoshligini taʼminlashda muhim ahamiyatga ega zamonaviy texnologiyalar joriy etmayotganini tanqid qildi.

Bu borada ilgari xususiylashtirilgan qariyb 40 ming obʼyekt oʻrganilib, ularning 3 ming 900 tasi boʻsh turgani yoki toʻliq ishlatilmayotgani aniqlangan. Ushbu obʼyektlarning 2700 tasi faoliyatini qayta tiklash yoki ular negizida yangi ishlab chiqarish quvvatlari tashkil etish boʻyicha loyihalar va "yoʻl xaritasi" ishlab chiqilgan.

Ushbu loyihalar doirasida 2,7 trillion soʻmlik investitsiyalar oʻzlashtirilib, 25 mingdan ortiq ish oʻrni yaratiladi. Bugungi kungacha 420 korxona faoliyati qayta tiklandi, yil yakunigacha yana 1800 obʼyektda ishlab chiqarish jarayoni yoʻlga qoʻyiladi.

Yigʻilishda davlat qoʻmitasi tomonidan bajarilgan ishlar tahlil qilinar ekan, korxonalar faoliyati samaradorligini oshirish va modernizatsiyalash, yangi ish oʻrinlari yaratish, raqobatbardosh mahsulotlar tayyorlash koʻlamini kengaytirish, ruxsat beruvchi hujjatlarni olish, kommunikatsiya tarmoqlariga ulanish va tijorat banklaridan kredit ajratilishida ularga koʻmaklashish maqsadida xususiylashtirilgan korxonalarni rivojlantirishning "yoʻl xaritasi"ni ishlab chiqish va joriy etish boʻyicha qilinayotgan ishlar qoniqarsiz, deb baholandi.

Promzona «Chirchik» - Sputnik Oʻzbekiston
Jamiyat
Chirchiq, Yangiyoʻl va Chinozdagi 80dan ortiq boʻsh turgan obʼyektlar ishga tushiriladi

Mutasaddilarga mulk egalari bilan birgalikda ishlamay turgan 1 ming 200 obʼyekt faoliyatini tiklash va rivojlantirish yuzasidan loyihalar va "yoʻl xaritasi" ishlab chiqish hamda ularni amalga oshirishni taʼminlash boʻyicha izchil chora-tadbirlar koʻrish yuzasidan topshiriqlar berildi.

Joriy yilda 408 davlat obʼyekti xususiy mulkdorlarga sotilgan. Ularning 278 tasi 1,6 trillion soʻmlik investitsiya kiritish va 10 mingdan ortiq ish oʻrni yaratish sharti bilan "nol" qiymatida berilgan.

Bugungi kunda yana 388 davlat obʼyekti sotuvga qoʻyilgan boʻlib, ularning 161 tasini "nol" qiymat boʻyicha berish rejalashtirilgan.

Yigʻilishda xususiylashtirilgan korxonalarning ishlab chiqarish faoliyati va moliyaviy-iqtisodiy ahvolini monitoring qilish, ularni kredit va moddiy resurslar bilan taʼminlash, mavjud muammolar va ularning sabablarini aniqlash, muhandislik ishlab chiqarish infratuzilmasini tiklash, bozor topishda tadbirkorlarga amaliy koʻmak berish masalalariga davlat idoralari tomonidan yetarlicha eʼtibor qaratilmayotgani taʼkidlandi.

Raqobat muhiti va qimmatli qogʻozlar bozorini rivojlantirish, isteʼmolchilar huquqlarini muhofaza qilish, birja faoliyatini litsenziyalash, zamonaviy kadrlarni tizimli tayyorlash, qayta tayyorlash va malakasini oshirish, sohaga eng rivojlangan davlatlar tajribasini tatbiq etish kabi masalalar muhokama qilindi.

Shavkat Mirziyoyev mavjud kamchiliklarni bartaraf etish, istiqbolga belgilangan vazifalar yuzasidan mutasaddi rahbarlarga tegishli topshiriqlar berdi.

Yangiliklar lentasi
0