Namanganda MXX qo‘lga olgan valyutafurush 7 ming dollaridan ayrildi

© Sputnik / Maksim Bogodvid / Mediabankka o‘tishProverka dollarov na podlinnost
Proverka dollarov na podlinnost - Sputnik O‘zbekiston
Obuna bo‘lish
MXX butun respublika bo‘yicha xorijiy valyutani noqonuniy sotib olayotgan va sotayotgan valyutachilarni qo‘lga olishda davom etmoqda

TOShKENT, 30 okt — Sputnik. Milliy xavfsizlik xizmati Namangan viloyati boshqarmasi tomonidan Bosh prokuratura huzuridagi Departamentning hududiy boshqarmasi bilan hamkorlikda o‘tkazilgan tezkor tadbir jarayonida navbatdagi noqonuniy valyuta operatsiyasini amalga oshirishga qaratilgan xatti-harakatning oldi olindi, deb xabar qildi "O‘zbekiston 24" telekanali.

AQSh dollari - Sputnik O‘zbekiston
MXX O‘zbekistonni noqonuniy valyutafurushlardan tozalayapti
Videoreportajda hikoya qilinishicha fuqaro Faxriddin Kamolov 7 ming AQSh dollarini 8220 so‘mdan, jami 57 million 540 ming so‘mga sotayotgan vaqtda ushlangan.

Barcha pul mablag‘lari ashyoviy dalil sifatida olib qo‘yilgan.

Valyutafurushning so‘zlariga qaraganda u ilgari valyutafurushlik bilan shug‘ullangan bo‘lsada, O‘zbekiston prezidenti farmonidan keyin bu ishni to‘xtatgan, ammo so‘m kerak bo‘lgani uchun o‘zidagi xorijiy valyutani sotayotgan mahalda qo‘lga olingan.

Eslatib o‘tamiz, so‘nggi vaqtlarda MXX maxsus operatsiyalar natijasida o‘nlab noqonuniy xorijiy valyutasi savdosi bilan shug‘ullanuvchi shaxslar qo‘lga olindi. Bu chora-tadbirlar natijasida respublikada "valyuta qora bozori" faoliyatini sezilarli kamaytirishga erishildi.

 

Yangiliklar lentasi
0