Abdulla Aripov qirg‘izistonlik hamkasbi bilan nimalarni muhokama qildi

© Press-slujba pravitelstva / Sabir AilchiyevPremyer-ministr Kirgizstana Sapar Isakov vstretilsya s glavoy pravitelstva Uzbekistana Abdulloy Aripovim v ramkax rabochego vizita v Tashkent
Premyer-ministr Kirgizstana Sapar Isakov vstretilsya s glavoy pravitelstva Uzbekistana Abdulloy Aripovim v ramkax rabochego vizita v Tashkent - Sputnik O‘zbekiston
Obuna bo‘lish
Tomonlar transport yo‘laklari rivojlanishi istiqbollari, xususan Xitoy-Qirg‘iziston-O‘zbekiston temir yo‘li hamda tadbirkorlar o‘rtasidagi munosabatlarni muhokama qildi

TOShKENT, 2 noya — Sputnik. Toshkentga ishchi tashrif bilan kelgan Qirg‘iziston bosh vaziri Sapar Isaqov O‘zbekiston hukumati rahbari Abdulla Aripov bilan uchrashdi.

Uchrashuvda savdo-iqtisodiy, madaniy gumanitar va chegara sohalaridagi ikki tomonlama hamkorlik masalalari muhokama qilindi.

Isaqov O‘zbekiston bilan munosabatlar Qirg‘iziston tashqi siyosatining ustuvor yo‘nalishi ekanligini qayd etdi, deb yozadi Sputnik Qirg‘iziston.

"Biz hamkorlikning qog‘ozda emas, amalda faollashayotganini ko‘rib turibmiz. O‘zbekiston va Qirg‘iziston prezidentlarining o‘zaro tashriflari 25-yildan buyon "siljimay kelgan" muammolarni hal qilishga imkon berdi. Shuningdek, davlat rahbarlari yetakchiligida hukumatlararo aloqalar rivojlanishiga turtki bo‘ldi", ta’kidladi Isaqov.

Aripov oktabr oxirida Bishkekda bo‘lib o‘tgan ikki tomonlama muzokaralarni tashkillashtirgani uchun minnatdorlik bildirdi va bu O‘zbekiston va Qirg‘iziston prezidentlari kun tartibiga qo‘ygan vazifalarni amalga oshirish uchun yaxshi ibtido ekanligini bildirdi.

Trassa - Sputnik O‘zbekiston
"O‘zbekiston - Qirg‘iziston - Xitoy" yo‘nalishi bo‘yicha xalqaro avtokarvon yo‘lga chiqdi

Shuningdek, O‘zbekiston bosh vaziri joriy yilning o‘tgan 9 oyi mobaynida mamlakatlar o‘rtasidagi tovar ayirboshlash hajmi 193 million AQSh dollarini tashkil etgani, kelgusida ushbu ko‘rsatkichni yiliga 500 million AQSh dollariga yetkazish rejada borligini ma’lum qildi.

Tomonlar transport yo‘laklari rivojlanishi istiqbollari, xususan Xitoy-Qirg‘iziston-O‘zbekiston temir yo‘li hamda tadbirkorlar o‘rtasidagi munosabatlarni muhokama qildi. Ular gumanitar hamkorlik va ikki respublikada milliy madaniyat kunlarini o‘tkazish borasida ham suhbatlashishdi.

Bundan tashqari, ikki davlat o‘rtasida tuzilgan delimitatsiya va demarkatsiya masalalari bo‘yicha ishchi guruhning faoliyati ham muhokama qilindi. Abdulla Aripov hukumat raislari boshchiligida O‘zbekistonga chegaradosh viloyat rahbarlarining birinchi yig‘ilishini o‘tkazishni taklif qildi.

Uchinchi noyabr kuni Toshkentda MDHga a’zo davlatlar hukumat raislari Kengashining navbatdagi yig‘ilishi bo‘lib o‘tadi.

Yangiliklar lentasi
0