TOShKENT, 7 noya – Sputnik. Toshkent shahar hokimi 2017-2018 yilgi isitish mavsumini boshlash haqidagi qarorga imzo chekdi, deb xabar qilmoqda hokimiyat axborot xizmati.
Qarorda aytilishiga ko‘ra, issiqlik ta’minoti, tuman hokimliklari nazorati ostida 10-noyabrdan boshlab ijtimoiy soha obyektlarida, sinov tariqasida, turar-joy binolari 12-noyabrdan muntazam isitishga kirishishni tashkil etish topshirilgan.
Shuningdek, qarorda istish tizimida faoliyat yuritadigan barcha tashkilotlarga 2017-2018 yilgi isitish mavsumi davrida uzluksiz tabiiy gaz, suv ta’minoti va elektr energiyasini yetkazib berish vazifasi yuklatildi.
Toshkent Xususiy uy-joy mulkdorlari shirkatlari uyushmasiga ko‘p kvartirali uylarda issiqlik ta’minoti tizimining barqaror ishlashi uchun mutasaddi xodimlar va aholi tomonidan qoidalarning buzilishiga yo‘l qo‘ymaslikni nazorat qilish vazifasi yuklatilgan.
