TOShKENT, 8 noya – Sputnik. Ukraina kompaniyasi O‘zbekistonda o‘simliklarni himoya qilish vositalari ishlab chiqaruvchi zavod quradi. Bu haqda O‘zbekistonning Ukrainadagi elchisi Alisher Abdualiyevga asoslanib Latifundist.com xabar berdi.
"Ukraina kompaniyasi O‘zbekistonda o‘simliklarni himoya qilish vositalari ishlab chiqaruvchi korxona qurish loyihasini amalga oshirishga kirishdi. Gap Farg'onaazot korxonasi negizida yangi zavod qurilishi haqida bormoqda", — degan Abdualiyev.
Uning aytishicha, zavod mahsulotlariga nafaqat O‘zbekiston, balki butun Markaziy Osiyoda talab katta bo‘ladi.
