Muhammad Ashraf G‘ani Mirziyoyevga maktub yo‘lladi

TOShKENT, 8 noya — Sputnik. Afg‘oniston prezidenti Ashraf G‘ani O‘zbekiston prezidenti Shavkat Mirziyoyevna yo‘llagan maktubida ikki davlat o‘rtasidagi hamkorlik bundan keyin ham faqat kengayib boraverishiga shonch bildirdi, deb xabar qilind O‘zbekiston TIV rasmiy saytida.

Maktub avvalida Afg‘oniston rahbari O‘zbekiston va Afg‘oniston o‘rtasida diplomatik munosabatlar o‘rnatilganining 25-yilligi munosabati bilan yo‘llagan tabrigi uchun Shavkat Mirziyoyevga minnatdorlik bildirib o‘tgan.

"Qadrli birodarim, muhtaram O‘zbekiston Respublikasi Prezidenti!

Xalqlarimizning tili, dini va madaniyati yaqin ekani o‘zaro do‘stlik aloqalarini yanada rivojlantirish va mustahkamlash uchun muhim asos bo‘lib xizmat qilmoqda. Afg‘oniston va O‘zbekiston Respublikasi xalqlarimiz manfaatiga xizmat qiladigan o‘zaro aloqalarni kengaytirish va mustahkamlash bo‘yicha salmoqli qadamlar tashladi. Mening va Afg‘oniston delegatsiyalarining O‘zbekistonga so‘nggi safarlari mamlakatlarimiz o‘rtasidagi munosabatlarni rivojlantirishdan manfaatdor ekanimizning yaqqol tasdig‘idir. Sizga va butun o‘zbek xalqiga ushbu yillar mobaynida ko‘rsatilgan yordam uchun o‘z minnatdorligimni bildiraman.

Afg‘oniston mamlakatlarimizni yanada yaqinlashtirish va iqtisodiyotimizni rivojlantirishga xizmat qiladigan qo‘shma loyihalar ustida ishlashni davom ettiradi.

Mamlakatlarimiz o‘rtasida hamkorlik munosabatlarini rivojlantirish yo‘lidagi sa’y-harakatlaringiz uchun Sizga yana bir bor tashakkur izhor etaman. Bu hamkorlik bundan keyin ham faqat kengayib boraverishiga ishonchim komil.

So‘zim oxirida Siz, Janobi Oliylariga yana bir bor mustahkam sog‘liq, xalqingizga baxt va farovonlik tilayman", — deyilgan maktubda.