Turkiya iqtisodiyot vaziri: Markaziy Osiyo - Turk-islom sivilizatsiyasi vatanidir

© AP Photo / MTI, Janos MarjaiMinistr ekonomiki Tursii Nixat Zeybekchi
Ministr ekonomiki Tursii Nixat Zeybekchi - Sputnik O‘zbekiston
Obuna bo‘lish
"Markaziy Osiyo: Yagona tarix va umumiy kelajak, barqaror rivojlanish va taraqqiyot yo‘lidagi hamkorlik" mavzuyidagi xalqaro konferensiyada Turkiya iqtisodiyot vaziri Nixat Zeybekchi nutq so‘zladi

TOShKENT, 10 noya — Sputnik. Samarqand shahrida 10-11 noyabr kunlari "Markaziy Osiyo: Yagona tarix va umumiy kelajak, barqaror rivojlanish va taraqqiyot yo‘lidagi hamkorlik" mavzuyidagi xalqaro konferensiya o‘z ishini boshladi.

Prezident Uzbekistana Shavkat Mirziyoyev - Sputnik O‘zbekiston
Mirziyoyev Markaziy Osiyo davlatlari mintaqaviy iqtisodiy forumini tashkil qilishni taklif etdi

Xalqaro konferensiyada dunyoning 500 dan ziyod siyosatchilari va yuqori lavozimdagi davlat vakillari ishtirok etmoqda.

Ushbu konferensiya ishini yoritish uchun AQSh, Buyuk Britaniya, Rossiya, Eron, Xitoy, Yaponiya, Turkiya, Ozarbayjon, Qozog‘iston, Qirg‘iziston, Afg‘oniston, Pokistondan 40 dan ortiq OAV xodimlari ishtirok etmoqda. Shuningdek, 100 dan ortiq mahalliy OAVlar vakillari Forumlar saroyi Matbuot markaziga jam bo‘lishgan.

Konferensiyada Turkiya iqtisodiyot vaziri Nixat Zeybekchi so‘zga chiqdi.

"Markaziy Osiyo mintaqasini Turk-islom sivilizatsiyasi paydo bo‘lgan va rivojlangan vatan deb bilamiz. Barcha odamlar bir-birini yaqin qarindosh deb hisoblaydilar. Jo‘g‘rofiy jihatdan kelib chiqishimiz umumiy bo‘lgan. Kelajagimiz ham umumiydir. Shu sababli, hamkorligimizni davom ettirishda kelajak avlod oldida mas’ulmiz. Hamkorlik faqatgina terrorchilik, ekstremizm, uyushgan jinoyatchilikka qarshi kurashish, migratsiyani boshqarish bilan chegaralanib qolmasligi kerak. Afg‘onistondagi beqarorlik mintaqada joylashgan barcha mamlakatlar hamkorligida o‘zaro muzokaralar orqali hal qilish mumkin. Hech qaysi mamlakat yolg‘iz o‘zi bu muammoni hal qila olmaydi. Shundan kelib chiqqan holda, ushbu konferensiyada ishtirok etayotgan barcha mamlakatlarning tashabbuslarini mamnuniyat bilan qo‘llab-quvvatlaymiz", — deb ta’kidladi Turkiya iqtisodiyot vaziri.

Turkiya iqtisodiyot vaziri 2009-yilda Turkiya, Ozarbayjon, Qozog‘iston, Qirg‘iziston davlatlari ishtirokida Turk davlatlari kengashi tuzilganligi, bu Kengash terrorchilikka qarshi kurashish masalalaridan boshlab, turizm va ta’lim sohalarigacha hamkorlik olib borishini aytib o‘tdi.

Vazir shu yil noyabr oyida Istanbulda rejalashtirilgan yig‘ilishga Markaziy Osiyo davlatlari vakillarini taklif qildi.

Flagi stran-uchastnis konferensii po obespecheniyu bezopasnosti i ustoychivogo razvitiya v Sentralnoy Azii - Sputnik O‘zbekiston
Markaziy Osiyoning kelajagi ahillik va o‘zaro hamkorlikka bog‘liq
"Bu yil biz Markaziy Osiyo mamlakatlari mustaqilligining 26-yilligini nishonladik. Shu vaqt mobaynida mamlakatlar ulkan rivojlanish ko‘rsatkichlariga erishdilar. O‘tgan 25-yil ichida Turkiya Markaziy Osiyo davlatlari bilan ikki tomonlama hamkorlikni rivojlantirish borasida ish olib bordi. So‘nggi yillarda jahonda energiya resurslarining narxlari tushib ketishiga qaramasdan, o‘zaro hamkorlik yaxshi natijalarni berdi. Jumladan, 2016-yilda Turkiya Markaziy Osiyo mamlakatlariga 3 milliard dollarlik mahsulotlar eksport qilindi. Markaziy Osiyo mamlakatlaridan esa Turkiyaga 2,5 milliard dollarlik mahsulot va xizmatlar import qilindi. Turkiya tomonidan iqtisodiyotning turli tarmoqlariga investitsiyalar kiritish natijasida Markaziy Osiyo davlatlarida yangi ish o‘rinlari ochilmoqda. Turk qurilish pudratchi kompaniyalari tomonidan shaharlar, aeroportlar, magistral yo‘llar, mehmonxonlar barpo etilmoqda. Mintaqaviy hamkorlikning eng ko‘zga ko‘ringan mahsuli bu — 2013-yil oktabr oyida Baku-Tbilisi magistral yo‘lning ochilishi bo‘ldi. Bu 836 km temir yo‘l Turkiyaning Anatoliy shahrini Osiyoning boshqa qismi bilan bog‘laydi. Bu loyiha mintaqada Buyuk ipak yo‘lini tiklashga xizmat qiladi. Turkiya Markaziy Osiyoni Yevropa bilan bog‘lovchi o‘ziga xos ko‘prik bo‘ladi", — deb ta’kidladi Turkiya iqtisodiyot vaziri.

Nixat Zeybekchi nutqining yakunida Markaziy Osiyo jahon tashqi savdoning muhim tarmog‘i ekanligi, Turkiya kelgusida fuqarolar va mahsulotlarni erkin harakatini ta’minlash bo‘yicha Xitoyning avtomobil yo‘l qurilishi borasidagi tashabbusini qo‘llab-quvvatlaganligi va memorandum imzolanganligini aytib o‘tdi.

Yangiliklar lentasi
0