TOShKENT, 24 noya — Sputnik. Sputnik O‘zbekiston tahririyati prezidentdan "qanday sovg‘a so‘ragan bo‘lar edingiz" degan savol bo‘yicha so‘rov o‘tkazdi.
So‘rov natijalari tahlili shuni ko‘rsatmoqdaki, ko‘pchilik — 34,5 % "Men o‘zim prezidentga sovg‘a bergan bo‘lardim" degan bandga ovoz berishgan. Ikkinchi o‘rinda (20,5 %) prezident bilan birgalikda suratga tushish istagi turibdi. So‘rovda qatnashganlarning qolgan qismi esa Toshkent propiskasi, mashina va soat sovg‘a olish istagida ekanliklarini bildirganlar.
Ushbu so‘rov natijalari, o‘zbekistonliklar o‘ta kamtarin va saxiyligini ko‘rsatmoqda.
Eslatib o‘tamiz, shu kunlarda Qirg‘izistonda Almazbek Atambayev tomonidan o‘tkazilgan matbuot-anjumanida bir jurnalist prezidentdan soat sovg‘a qilishni so‘ragan. Jurnalist bu holatni tushida ko‘rganligini aytib o‘tgan. Prezident uning iltimosini oxirigacha eshitmasdan, "yaxshiyam shimimni so‘ramadingiz", deya kulgancha qo‘lidagi soatni yechib, jurnalistga sovg‘a qilgan edi.
