TOShKENT, 25 noya — Sputnik. Koreya personalni rivojlantirish instituti prezidenti Kim Yon Sega O‘zbekiston Bandlik va mehnat munosabatlari vazirligining faxriy maslahatchisi maqomi berildi. Bu haqda Tashqi mehnat migratsiyasi masalalari agentligining Facebookdagi sahifasida xabar qilindi.
Agentlik matbuot xizmatining bildirishicha, mehnat migratsiyasini tashkil etishda mavjud tajriba va amaliy ko‘nikmalarni hisobga olgan holda, shuningdek, koreyalik ish beruvchilar bilan O‘zbekistondan ishchi kuchini jalb qilishda hamkorlikda ish olib borish maqsadida mazkur tayinlov amalga oshirildi.
Koreya personalni rivojlantirish instituti prezidenti Kim Yon Se Kvanju universitetining buxgalteriya fakulteti va oliy tijorat maktabini, Kongsang elektron hisobga olish fakulteti, Kvanju universiteti magistraturasi, Chonnam universitetining ma’muriy nazorat va boshqaruv bo‘yicha oliy siyosiy kursini tamomlagan.
22 noyabr kuni O‘zbekiston prezidenti Shavkat Mirziyoyevning Koreyaga rasmiy tashrifi doirasida O‘zbekiston Tashqi mehnat migratsiyasi masalalari agentligi va Koreya personalni rivojlantirish instituti o‘rtasida memorandum imzolangandi.
