TOShKENT, 28 noya — Sputnik. 2017-yil 24-noyabr kuni Yunusobod tumanidagi TXAY ko‘chasida joylashgan "Turon" choyxonasi qarshisida "Matiz" rusumli avtomashinasida piyoda urib yuborildi. Toshkent IIBB matbuot xizmati xabariga asosan.
Xabarda aytilishicha, 2017-yil 24-noyabr kuni soat 22:50 larda, Yunusobod tumanidagi TXAY ko‘chasida joylashgan "Turon" choyxonasi qarshisida, haydovchi — 1983-yilda tug‘ilgan erkak kishi, "Matiz" rusumli avtomashinasini boshqarib ketayotib, piyodani urib yuborgan.
Shundan so‘ng, ushbu yo‘nalishda uning ketidan harakatlanib kelayotgan haydovchi — 1995-yilda tug‘ilgan erkak kishi, "Spark" rusumli avtomashinasini boshqarib ketayotib, yo‘lda yotgan piyodani bosib o‘tgan.
Mazkur yo‘l transport hodisasi natijasida piyoda — 1987-yilda tug‘ilgan erkak kishi olgan tan jarohatlari oqibatida YTH joyida vafot etgan.
Toshkent shahar IIBB YHXB xodimlari tomonidan o‘tkazilgan "Tozalash-antiterror" tadbiri davomida, 2017-yilning 25-noyabr kuni soat 11:00 da, hodisa joyidan ketib qolgan haydovchi aniqlandi.
Mazkur holat yuzasidan Yunusobod tumani IIB tomonidan O‘zbekiston JKning 266-moddasi 2-qismi (transport vositasini boshqaruvchi shaxs tomonidan transport vositalari harakati va ulardan foydalanish xavfsizligi qoidalarini buzish, odam o‘lishiga sabab bo‘lsa) alomatlari bilan jinoyat ish qo‘zg‘atilgan.
