TOShKENT, 30 noya — Sputnik. Toshkentda ikki nafar besoqolboz qo‘lga olindi, deb xabar qildi UzNews.uz nashri Yunusobod tumani IIBB matbuot-xizmatiga tayangan holda.
Tergov tadbirlari davomida erkaklar Toshkent shahridagi Mirzo-Ulug‘bek tumanida joylashgan kvartirada jinsiy yaqinlik qilishgani aniqlangan. Kvartira erkaklardan biri tomonidan ijaraga olingan bo‘lgan.
Sud-tibbiy ekspertizasi ikki erkak o‘rtasida jinsiy yaqinlik bo‘lganini aniqladi, deyilgan xabarda.
Ushbu holat yuzasidan joriy yilning 20-noyabrida O‘zbekiston Respublikasi Jinoyat kodeksining 120(Besoqolbozlik)-moddasi bo‘yicha jinoiy ish qo‘zg‘atilgan.
Erkakning erkak bilan zo‘rlik ishlatmasdan jinsiy ehtiyojini qondirishi — 1-yildan 3-yilgacha ozodlikdan cheklash yoxud 3-yilgacha ozodlikdan mahrum etish bilan jazolanadi.
