O‘zbekistonda Innovatsion rivojlanish vazirligini tashkil etildi

© Sputnik / Vladimir Astapkovich / Mediabankka o‘tishVistavka "Bal Robotov"
Vistavka Bal Robotov - Sputnik O‘zbekiston
Obuna bo‘lish
Innovatsiyalar vazirligi yaratilishi munosabati bilan, oldin ushbu sohada faoliyat yuritgan bir qator tashkilotlar faoliyati tugatiladi ularning shtat birliklari yangi vazirlikka o‘tkaziladi.

TOShKENT, 30 noya — Sputnik. Shavkat Mirziyoyev Innovatsion rivojlanish vazirligini tashkil etish haqida 5264-sonli prezident farmonini imzoladi.

Innovatsion  rivojlanish vazirligi — ilg‘or xorijiy tajriba, jahon fanining zamonaviy yutuqlari, innovatsion g‘oyalar, ishlanmalar va texnologiyalar asosida iqtisodiyotning barcha tarmoqlari va ijtimoiy sohani jadal innovatsion rivojlantirishni ta’minlash maqsadida tashkil qilindi, deyilgan qaror matnida.

"Belgilansinki, Vazirlikning faoliyat sohasiga kiruvchi masalalar bo‘yicha normativ-huquqiy hujjatlar loyihalari Vazirlik bilan majburiy tartibda kelishilishi shart", — deyilgan qaror matnida.

Vazirlik O‘zbekiston Respublikasining Davlat budjeti mablag‘lari va qonun hujjatlarida taqiqlanmagan boshqa mablag‘lar hisobidan moliyalashtiriladi.

Yangi vazirlikning asosiy vazifalari:

mamlakatning intellektual va texnologik salohiyatini oshiradigan strategik rejalashtirish tizimini yaratish;

V sexe sborki zavoda kompanii Samsung Electronics - Sputnik O‘zbekiston
Innovatsiya markazi buyurtmalar qabul qilishni boshladi

davlat xizmatlari ko‘rsatishning samaradorligini oshirish,  davlat boshqaruvining innovatsion shakllarini joriy etish; 

hududlar ijtimoiy-iqtisodiy salohiyatining barqaror o‘sishi, aholining farovonligi yuksalishi uchun fan va innovatsiya rivojlantirishning zamonaviy infratuzilmasini shakllantirish; 

innovatsion g‘oyalar va texnologiyalarni ishlab chiqish va joriy etish sohasiga investitsiyalarni keng jalb etish, ularning yanada rivojlanishini ta’minlovchi normativ-huquqiy bazani takomillashtirish; 

yosh avlodning ijodiy g‘oyalari va ishlanmalarini har tomonlama qo‘llab-quvvatlash hamda rag‘batlantirish,

ilmiy-eksperimental ixtisoslashtirilgan laboratoriyalar, yuqori texnologiyalar markazlari, texnoparklar tashkil etish va moddiy-texnika bazasini mustahkamlash; 

tabiatni muhofaza qilish, resurs va energiya tejaydigan texnologiyalarni, muqobil energiya manbalarini, keng qo‘llash va faol joriy etish; 

sog‘liqni saqlash sohasida kasalliklarni barvaqt aniqlash va profilaktika qilish, shuningdek, jamiyatda sog‘lom turmush tarzini shakllantirish kompleks tizimni yaratish;

Kitoblar - Sputnik O‘zbekiston
O‘zbekistonda fan dasturlari yangidan ishlab chiqiladi

agrar sohaga innovatsion g‘oyalar, ishlanmalar va texnologiyalarni jalb qilish va yaratish va boshqalar.  

Shuningdek qarorda aytilishiga ko‘ra, Innovatsion rivojlanish vazirligi O‘zbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirishga, mamlakatning intellektual va texnologik salohiyatini oshirishga qaratilgan yagona davlat siyosatini amalga oshiradi; 

Innovatsiya faoliyatini takomillashtirish bo‘yicha takliflarni to‘plash va umumlashtirishni amalga oshiradi; 

Vazirlik faoliyatiga doir bir qator holatlar:

Innovatsiyalar vazirligi yaratilishi munosabati bilan, oldin ushbu sohada faoliyat yuritgan quyidagi tashkilotlar 2018-yilning 1-yanvaridan tugatiladi:

Fan va texnologiyalar bo‘yicha Davlat komissiyasi; 

O‘zbekiston Respublikasi Fan va texnologiyalar agentligi; 

Fan va texnologiyalar bo‘yicha Davlat komissiyasi huzuridagi Ilmiy-texnik faoliyatni qo‘llab-quvvatlash va rivojlantirish jamg‘armasi hamda uning Ijro etuvchi direksiyasi.

Yuqorida ko‘rsatilgan tugatilayotgan idora va muassasalarning bo‘shayotgan shtat birliklari Vazirlikka o‘tkaziladi. 

Farmonning to‘liq matni bilan prezident rasmiy saytida tanishing.

Yangiliklar lentasi
0