TOShKENT, 11 dek — Sputnik. Rossiya prezidenti Vladimir Putin Suriyadagi Rossiya harbiy kontingentining kattagina qismini chiqarishga buyruq berdi. Putin bu haqda Suriyaning Xmeymim shahrida harbiylar bilan uchrashuvi davomida ma’lum qilgan, deb xabar qildi RIA Novosti.
Putin Rossiya harbiylari topshiriqlarni a’lo darajada bajarganliklarini, haqiqiy jasorat, qahramonlik va professionallik ko‘rsatganliklarini e’tirof etib, harbiylar o‘z yaqinlari yoniga g‘alaba bilan qaytishayotganini qo‘shimcha qildi.
"Sizlarni ona vatan kutmoqda, o‘rtoqlar. Oq yo‘l. Barchangizdan xizmat uchun minnatdorman", — dedi Rossiya prezidenti.
Putin Suriyada terrorchilarga qarshi kurash davom etishini ta’kidladi.
"Agar terrorchilar yana bosh ko‘tarsa, biz ularga ular hali ko‘rmagan zarbalarni beramiz", dedi Rossiya prezidenti.
