Siyosat

Rasman: Moliya vazirligidan 24 amaldor ishdan haydaldi

© Sputnik / Sergey Subbotin / Fotobankka oʻtishPortfeli
Portfeli - Sputnik Oʻzbekiston
Obuna boʻlish
Yandex newsTelegram
22 dekabr kuni Oʻzbekiston prezidenti Shavkat Mirziyoyev mamlakat Moliya vaziri Jamshid Qoʻchqorovga vazirlikdagi oʻzbek xalqiga nafi tegmaydigan "kalamushlarni" ishdan olish topshirigʻini bergan edi. "Agar olmasang oʻzing ishdan ketasan", - qoʻshimcha qilgandi prezident. Oradan bir kun oʻtib Moliya vazirligidan 50 kishi ishdan olingani haqida xabarlar tarqaldi...

TOSHKENT, 26 dek — Sputnik. Oʻzbekiston milliy axborot agentligi Moliya vazirligidan yoppasiga 50 kishi ishdan olingani haqidagi mish-mishlarga oydinlik kiritdi, deb xabar bermoqda Sputnik Oʻzbekiston muxbiri.

Prezident Uzbekistana Shavkat Mirziyeyev na zasedanii soveta glav gosudarstv - chlenov Shanxayskoy organizatsii sotrudnichestva (SHOS) v rasshirennom sostave - Sputnik Oʻzbekiston
Mirziyoyev ayovsiz "savalagan" Ostrogorskiy kim?
Eslatib oʻtamiz, Oʻzbekiston prezidenti Shavkat Mirziyoyevning 22 dekabrdagi Oliy Majlisga Murojaatnomasida Moliya vazirligi tizimidagi jiddiy kamchiliklar, haddan tashqari byurokratiya holatlari, ayniqsa davlat moliyaviy nazorati xodimlarining nojoʻya hatti-harakatlari va tizimdagi boshqa yigʻilib qolgan salbiy holatlar ochiq-oydin aytib oʻtildi.

OʻzA bergan rasmiy xabarga koʻra, 22 dekabr kuni Mirziyoyev tanqididan keyin Moliya vazirligi markaziy apparatidan 2 nafar bosh boshqarma boshligʻi, 2 nafar bosh boshqarma oʻrinbosari, 4 nafar boshqarma boshligʻi, 1 nafar boshqarma boshligʻi oʻrinbosari, 3 nafar boʻlim boshligʻi hamda 4 nafar xodim, jami 16 kishi egallab turgan lavozimidan ozod etilgan. Bugungi kunga kelib bularning safiga 8 kishi qoʻshilgan va bu raqam 24 tani tashkil etadi.

Jumladan, Gʻaznachilik boshligʻi oʻrinbosari — Amaliyot boshqarmasi boshligʻi F.Nurmuhamedov, Buxgalteriya hisobi va audit uslubiyoti boshqarmasi boshligʻi SH.Xaydarov, Sanoatning bazaviy tarmoqlari va yoqilgʻi-energetika majmui moliyasi boshqarmasi boshligʻi vazifasini bajaruvchi A. Abdullayev, Davlat moliyaviy nazorati bosh boshqarmasi boshligʻining oʻrinbosari M.Agzamov, Soliq va bojxona-tarifi siyosati boshqarmasining boshligʻi I. Golisheva, Davlat moliyaviy nazorati bosh boshqarmasi Tashkiliy-uslubiy ishlar boʻlimi boshligʻi B.Jumayevlar egallab turgan lavozimlaridan ozod etildi, deb xabar qilgan nashr.

Yangiliklar lentasi
0