TOShKENT, 27 dek – Sputnik. Qamchiq dovonida ob-havo o‘zgaruvchan bo‘lib, qor yog‘adi, kechqurun kuchli tuman tushishi bois ko‘rish masofasi 50-100 m qisqaradi. Bu haqda O‘zbekiston Favqulodda vaziyatlar vazirligi xabar qilmoqda.
"Yo‘llarda qor uyumlari to‘planishi tufayli, muzlama. Shamol tezligi 5-10 m/s (18-36 km/s) tashkil etib, 22-25 m/s (79-90 km/s) gacha kuchayishi mumkin. Havo harorati kechasi 7-9 daraja, kunduzi 4-6 daraja sovuq", deyiladi xabarda.
Xabarda aytilishicha, 27-dekabr soat 12.00 holatiga qor, 11 daraja sovuq. Tuman qoplagan, ko‘rinish 500 m.
Ijtimoiy tarmoq va messenjerlarda ayni paytdagi holat tasvirlangan suratlar joylashtirilmoqda hamda haydovchilarga yo‘lga chiqishga shoshilmaslikni maslahat berishmoqda.
