1 yanvardan avtomobillarni texnik ko‘rikdan o‘tkazish tadbirkorlarga topshirildi

© Sputnik / Taras LitvinenkoDevushka stavit novie avtomobilnie nomera
Devushka stavit novie avtomobilnie nomera - Sputnik O‘zbekiston
Obuna bo‘lish
Ichki ishlar vazirligi doimiy ravishda tadbirkorlarning texnik ko‘rikdan o‘tkazish borasidagi faoliyatini monitoring qilib, samaradorligini tahlil qilib boradi

TOShKENT, 28 dek — Sputnik. 2019 yil 1-yanvar sanasidan boshlab jismoniy shaxslarning yengil avtomobillarini texnik ko‘rikdan o‘tkazish faqatgina tadbirkorlik subyektlari — yuridik shaxslar tomonidan amalga oshiriladi. Bu O‘zbekiston hukumatining 22-dekabrdagi qarorida ko‘zda tutilgan.

Inspektor Gai ostanovil dlya proverki avtomobil - Sputnik O‘zbekiston
Buxoro viloyatidagi bir nechta post tugatildi
Hujjatga muvofiq, 2018-yil 1-yanvardan yo‘l harakati xavfsizligi bo‘linmalarining jismoniy shaxslarning yengil avtotransport vositalarini (yuk, yo‘lovchi va maxsus transport vositalaridan tashqari) majburiy texnik ko‘rikdan o‘tkazish funksiyasi bosqichma-bosqich tadbirkorlik subyektlari — yuridik shaxslarga topshiriladi.

Qaror matnida yozilishicha, Qoraqalpog‘iston Respublikasi Vazirlar kengashi, hokimiyatlar va Toshkent shahar hokimligi bir oy muddat ichida texnik ko‘rikdan o‘tkazganlik uchun tadbirkorlarga to‘lanadigan to‘lovlar miqdorlarini belgilashi lozim. Bunda transport vositasi toifasi hisobga olingan holda yuridik va jismoniy shaxslar uchun alohida differensiyalangan to‘lov miqdorlari joriy etilishi lozim.

Ichki ishlar vazirligi doimiy ravishda tadbirkorlarning texnik ko‘rikdan o‘tkazish borasidagi faoliyatini monitoring qilib, samaradorligini tahlil qilib boradi.

Ushbu qaror ijrosini nazorat qilish O‘zbekiston IIV rahbari Po‘lat Bobojonov zimmasiga yuklatilgan.

Yangiliklar lentasi
0