Yadro tugmasi va g‘animlarga yo‘llangan tabrik: turli davlat rahbarlarining Yangi yil tabriklari

© Yuriy Korsunsev / UZ24Glavnaya yelka strani zajgla prazdnichnie ogni
Glavnaya yelka strani zajgla prazdnichnie ogni - Sputnik O‘zbekiston
Obuna bo‘lish
2018 yil kirib kelishiga sanoqli daqiqalar qolganida, an’anaga binoan har bir davlat yetakchisi o‘z yurtdoshlariga yangi yil tabrigini yo‘lladi, yil sarhisobini qildi. Qiziq tomoni shundaki, kimdir xalqini mehnatga, olg‘a qadam bosishga ruhlantirgan bo‘lsa, yana kimdir stoli ustida turgan yadro tugmasi haqida eslatib o‘tdi...

TOShKENT, 1 yanv — Sputnik, Dilshoda Rahmatova. Yangi yil murojaati — bu ayrim davlatlarda davlat rahbari yoxud hukumat rahbarining an’anaviy tarzda fuqarolarga murojaati bo‘lib, u Yangi yil kirib kelishi arafasida televidenie orqali to‘g‘ridan-to‘g‘ri efirga uzatiladi.

Murojaatda davlat yetakchilari, odatda, Yangi yil bilan tabriklaydilar, o‘tayotgan yilning qisqacha sarhisobini qiladilar va kelayotgan yil istiqbollariga to‘xtaladilar.

Turli davlatlarda prezidentlar o‘z xalqiga murojaatda nimalarni yodga olgani haqida yodga olamiz.

O‘zbekiston: yangi an’ana, bag‘rikenglik va ertangi kunga ishonch

O‘zbekiston Respublikasi Birinchi prezidenti Islom Karimovning o‘zbek xalqiga tabrigi "Axborot" dasturi orqali o‘qib eshittirilar edi. Ammo 2017-yil yakunida prezident Shavkat Mirziyoyev yana bir yangi an’anani urfga kiritdi. Prezident o‘z xalqiga yangi yil murojaatini to‘g‘ridan-to‘g‘ri — onlayn tarzda amalga oshirdi.

2018 yil bayram taqvimi - Sputnik O‘zbekiston
2018 yil bayram taqvimi
Aksariyat o‘zbekistonliklar millat yetakchisi tabrigini davlat rahbarining Feysbukdagi rasmiy sahifasi orqali to‘g‘ridan-to‘g‘ri kuzatish imkoniga ega bo‘ldilar.

Mirziyoyev o‘z bayram tabrigida "xalqning fidokorona mehnati bilan 2017-yilni barcha sohalarda yorug‘ yuz bilan yakunlashga erishdik, xalqning ertangi kunga ishonchi tobora mustahkamlanmoqda", deb ta’kidladi.

O‘zbekiston rahbari tabrigining o‘ziga xosligi yana shunda o‘z ifodasini topdiki, yetakchi nafaqat O‘zbekiston xalqini, balki uzoq va yaqin barcha mamlakatlar xalqlarini ham, Yangi yil bayrami bilan tabriklab, ularga tinchlik va ravnaq tiladi. 

Mirziyoyev 2018-yilda O‘zbekiston xalqining hayot darajasi va sifatini, barcha toifadagi aholi daromadlarini oshirishga alohida ahamiyat qaratishga va’da berdi.

Rossiya: beg‘araz muhabbat va fidoyilar

Rossiya yetakchisi Vladimir Putin o‘zining Yangi yil murojaatida Rossiya fuqarolariga ijobiy o‘zgarishlar tiladi hamda rossiyaliklarga Rossiyaga bo‘lgan ishonchlari uchun minnatdorlik bildirdi.

Yejegodnaya bolshaya press-konferensiya prezidenta RF Vladimira Putina - Sputnik O‘zbekiston
Putin Rossiya mudofaasi haqidagi savolga latifa bilan javob berdi

Prezident 2017-yilning so‘nggi daqiqalarida mamlakat fuqarolarini kechirimli bo‘lishga, bir-birlarini bag‘irlariga bosib, muhabbat izhor qilib, bir-birlaridan mehr va e’tiborni ayamaslikka chaqirdi.

Bundan tashqari, Putin ayni vaqtda mehnat qilayotgan va o‘z professionallik burchini ado etayotganlarga alohida tabrik yo‘lladi. Rossiya prezidenti o‘z tabrigi yakunida rossiyaliklarga farovonlik va muvaffaqiyat, shuningdek, "yagona va sevimli Rossiya gullab-yashnashi va unda tinchlik hukm surishini" tiladi.

Shimoliy Koreya: Kim Chen In xalqini Yangi yil bilan tabrikladi

KXDR rahbari o‘z murojaatida stoli ustida doimiy turadigan yadro tugmasi haqida gapirdi.

© KRT via AP Video Severokoreyskiy lider Kim Chen In
Severokoreyskiy lider Kim Chen In  - Sputnik O‘zbekiston
Severokoreyskiy lider Kim Chen In

Pxenyan "to‘xtatib turish kuchiga ega bo‘lgani uchun AQSh Shimoliy Koreyaga qarshi urushni boshlay olmaydi", — dedi u va mamlakatda yadroviy kuchlar yaratilishi yakunlanganini ma’lum qildi.

Mojaro boshlangudek bo‘lsa, "AQShning butun hududi" javob zarbasi ostida qoladi", — deya ishontirdi Kim Chen In.

AQSh: mamlakatni buyuk ishlar kutmoqda

AQSh prezidenti Donald Tramp o‘z do‘stlari, dushmanlari, shuningdek "g‘irrom OAV"larga baxtli Yangi yil tiladi.What a year it’s been, and we're just getting started. Together, we are MAKING AMERICA GREAT AGAIN! Happy New Year!! pic.twitter.com/qsMNyN1UJG

"Mamlakatimizning salohiyati va aqli shiddat bilan o‘smoqda va men o‘z do‘stlarimga, tarafdorlarimga, dushmanlarimga, mendan nafratlanadiganlarga va hatto yolg‘on xabarlar tarqatuvchi axborot OAVlariga baxtli va sog‘lom Yangi yil tilayman. 2018-yil — Amerika uchun buyuk yil bo‘ladi", — deb yozgan Tramp o‘z Twitterida.

Ukraina: Poroshenko mamlakat taraqqiyot va rivojlanish bosqichiga o‘tgani haqida bayonot qildi

Ukraina prezidenti Petr Poroshenko o‘z murojaati avvalida mamlakatning sharqiy chegarasi mudofaasida turgan ukrainalik jangchilarni alohida tabrikladi. Poroshenko, shuningdek, Qrim va Sevastopol, Donesk va Lugansga o‘z tilaklarini yo‘lladi.

"Aka-singillarim, sizning uyingiz — Ukraina… Bizning uyimizni xonavayron qilgan g‘animni esa — vaqti keladi — quvamiz va jazolaymiz", — dedi u.

Seremoniya nachala stroitelstva gazoprovoda Severniy potok - Sputnik O‘zbekiston
Gerxard Shreder: Rossiyaning hech bir rahbari Qrimni qaytarib bermaydi
U shuningdek, o‘z murojaatida Qo‘shma Shtatlar zamonaviy mudofaa qurollarini yetkazish bo‘yicha qarorni e’lon qilgani, bu borada Kanada va boshqa mamlakatlar ham qadam qo‘yganini, Yevropa Ittifoqi jangovar kayfiyatda bo‘lgan mamlakatga nisbatan sanksiyalarni uzaytirganini aytib o‘tdi.

Ukraina rahbari Yevropa davlatlariga vizasiz kirib borayotgan yuz minglab ukrainaliklarni ham esga oldi hamda barchani "Yevropaga qarab dadil va qaytmas qadamlar qo‘yilayotgani" bilan tabrikladi.

Poroshenko urush oqibatida yuzaga kelgan bir necha yillik inqirozdan keyin Ukraina tiklanish va taraqqiyot bosqichiga o‘tganini, Yangi yilda Hukumat rivojlanish salohiyatini kuchaytirishini, aksariyat ukrainaliklarning hayot darajasini oshirish hukumat qo‘lidan kelishi to‘g‘risida gapirdi va ukrainaliklarni birlikni saqlashga, o‘z mamlakatiga ishonishga va mehnat qilishga chaqirdi.

Yangiliklar lentasi
0