TOShKENT, 17 yanv — Sputnik. 2018 yil 1-fevraldan boshlab ulgurji savdo korxonalariga litsenziya olishda ustav fondiga yirik pul mablag‘i kiritish bo‘yicha talab bekor qilinadi. Bu haqda O‘zbekiston Respublikasi Prezidentining bugun, 16-yanvar kuni imzolangan "Mamlakatning oziq-ovqat xavfsizligini yanada ta’minlash chora-tadbirlari to‘g‘risida"gi farmonida ta’kidlangan.
2018 yil 1-fevraldan e’tiboran oziq-ovqat mahsulotlarining rejalashtirilayotgan xaridi haqidagi batafsil axborot har oy O‘zbekiston Respublikasi Yagona interaktiv davlat xizmatlari portalida e’lon qilib boriladi.
Eslatib o‘tamiz, ilgariroq Buxoro hokimligi matbuot-xizmati endilikda ulgurji savdogarlarga litsenziya olishda yuridik shaxs davlat ro‘yxatidan o‘tganligi haqidagi guvohnomani taqdim etish to‘g‘risidagi talab ham bekor qilinishi haqida xabar bergan edi.
