TOShKENT, 18 yanv — Sputnik. Qirg‘iziston davlat chegara xizmati tomonidan o‘zbek-qirg‘iz chegara uchastkasidagi nazorat o‘tish joyidan fuqarolar qatnovini tezlashtirish maqsadida tegishli choralar ko‘rildi.
Birinchi navbatda chegara xizmati tomonidan qo‘shimcha pasport nazorat xonalari o‘rnatiladi.
Shuningdek, O‘sh viloyatidagi "Dostuk-avtoyo‘l" xalqaro o‘tish joyida qo‘shimcha 10 ta (5 ta chiqish va 5 ta kirish) pasport tekshiruv xonalari o‘rnatildi.
"Ko‘rilgan choralar natijasida fuqarolarning bir sutka davomida 7 ming kishi yoki 1,7 baravar ko‘p o‘tishi ta’minlandi", — deyilgan Qirg‘iziston davlat chegara xizmati xabarida.
Batkent tumanidagi "Qadamjoy-avtoyo‘l" punktida ham qo‘shimcha pasport nazorati xonalari o‘rnatildi. Bugungi kunda bir sutkada 700-750 ming kishi o‘tishiga mo‘ljallangan punkt orqali 2-2,5 ming kishi o‘tmoqda.
2018 yil 19-yanvardan qo‘shimcha pasport nazorat xonalar ish faoliyatini yo‘lga qo‘yish rejalashtirilgan.
Bundan tashqari, Jalolobod tumanidagi "Madaniyat-avtoyo‘l" xalqaro nazorat o‘tish joyidan 2 ta qo‘shimcha pasport tekshiruv xonalari ochildi.
