O‘zbekistonda tojik maktablari yopiladimi - Xalq ta’limi vazirligi rasmiy bayonot berdi

Obuna bo‘lish
Xalq ta’limi vazirligi Toshkent viloyatining Bo‘stonliq tumanidagi ta’lim tojik tilida olib boriladigan maktablar yopilishi mumkinligidan xavotir olmaslikni ma’lum qilgan

TOShKENT, 25 yanv — Sputnik. O‘zbekiston Respublikasi Xalq ta’limi vazirligi turli ommaviy axborot vositalarida "O‘zbekiston tojiklari tojik maktablarining yopilishi ehtimolidan tashvishga tushdi" sarlavhasi ostida e’lon qilingan maqolalarga rasmiy munosabat bildirdi, deb xabar qilgan O‘zA.

Xalq ta’limi vazirligi Toshkent viloyatining Bo‘stonliq tumanidagi ta’lim tojik tilida olib boriladigan maktablar yopilishi mumkinligidan xavotir olmaslikni ma’lum qilgan.

Studenti pedagogicheskogo instituta v Chirchike - Sputnik O‘zbekiston
Yangi farmon: 11-sinf bitiruvchilari 6 oydan 2-yilgacha kollejda o‘qishlari mumkin
"Bugungi kunda respublikamizda 245 ta umumta’lim maktabida ta’lim tojik tilida olib borilmoqda. Ulardagi 62 ming nafar o‘quvchiga 5 ming 755 nafar o‘qituvchi-pedagog tojik tilida ta’lim-tarbiya berib kelmoqda. Bo‘stonliq tumanidagi 8 ta umumta’lim maktabida 886 nafar o‘quvchiga 138 nafar o‘qituvchi tojik tilida ta’lim-tarbiya bermoqda.

O‘zbekiston Respublikasining "Ta’lim to‘g‘risida"gi Qonunida o‘zbek tiliga davlat tili maqomining berilishi respublika hududida yashovchi millat va elatlarning o‘z ona tilini qo‘llashdan iborat konstitutsiyaviy huquqlariga monelik qilmasligi belgilab qo‘yilgan bo‘lib, bugungi kunda respublikamizdagi umumta’lim maktablarida ta’lim 7 tilda olib borilmoqda. Ular davlat ta’lim standartlari asosida chop etilgan 7 tildagi darsliklar bilan to‘liq ta’minlangan.

O‘zbekistonda ta’lim olish tilini millatidan qat’i nazar, ota-onalar farzandlari bilan tanlash huquqiga egadirlar. Bunday tajriba dunyodagi ko‘pgina rivojlangan davlatlarda ham yo‘lga qo‘yilmagan", — deyilgan xabarda.

Yangiliklar lentasi
0