TOShKENT, 28 yanv – Sputnik. Kecha, 27-yanvar kuni Qobulning diplomatik vakolatxonalar joylashgan tumanida kuchli portlash yuz berdi, deb xabar qilmoqda Tolonews telekanali.
Terakt xudkush-terrorchi tomonidan amalga oshirilgan. U ichida portlovchi moddalar bilan to‘ldirilgan tez yordam mashinasini odam gavjum joyda portlatib yuborgan.
Portlashda 95 kishi qurbon bo‘ldi, 160 ga yaqin kishi jarohatlandi. Qurbonlarning aksariyati oddiy fuqarolar. Jarohatlanganlar orasida ayollar va bolalar ham bor. Jarohatlanganlarning ko‘pchilligi og‘ir ahovolda.
Qobul tezkor yordam ko‘rsatish shifoxonasida o‘rinlar yetishmagani tufayli jarohatlanganlar kasalxona oldidagi maydonda joylashtirilgan.
Telekanal xabariga ko‘ra, ushbu portlash uchun javobgarlikni “Tolibon” terrorchilar guruhi o‘z zimmasiga olgan.
