Jamiyat

Notarius xizmatlari uchun toʻlovni mobil telefon orqali toʻlash mumkin boʻldi

Notarial harakatlar uchun qancha boj toʻlanishi kompyuter tomonidan avtomatik ravishda shakllantiriladi

TOSHKENT, 1 fev — Sputnik. Endilikda notarial harakatlarni amalga oshirish uchun davlat boji va boshqa toʻlovlarni elektron tarzda amalga oshirish mumkin. Bu haqda Adliya vazirligining "Huquqiy axborot" kanali xabar qildi.

Rabota za kompyuterom. Klaviatura - Sputnik Oʻzbekiston
Jamiyat
Oʻzbekistonda jinoiy ishlarni elektron shaklga oʻtkazish rejalashtirilgan

"Notariuslar faoliyatiga eʼtirozlar, fuqarolardan belgilanganidan ortiqcha pul mablagʻlari talab qilinayotgani haqidagi murojaatlardan kelib chiqib, Adliya vazirligi shu yil 1 fevraldan boshlab notarial harakatlarni amalga oshirish uchun davlat boji va boshqa toʻlovlarni elektron tarzda amalga oshirish mexanizmini joriy etdi", — deyiladi xabarda.

Endilikda fuqarolar notarial harakatlarni amalga oshirish maqsadida notarial idoralarga murojaat etganda, davlat boji va boshqa toʻlovlarni mobil telefonlar imkoniyatidan foydalangan holda toʻlov tizimlari orqali amalga oshirish mumkin. Bu jarayonda QR kodlardan foydalanish imkoniyati ham mavjud.

Notarial harakatlar uchun qancha boj toʻlanishi kompyuter tomonidan avtomatik ravishda shakllantiriladi, toʻlov kvitantsiyalari alohida yozilmaydi, fuqarolarga qulay va tushunarli boʻlishi uchun yagona andozada toʻlov kvitantsiyasi joriy qilinadi.

Toʻlovlar bank kassalari yoki mobil telefonlar orqali amalga oshirilishidan qatʼi nazar, bu haqdagi maʼlumot "Notarius" axborot tizimida onlayn tarzda aks etadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala