O‘zbekistonda "Halol" standarti rasman joriy etildi

© Sputnik / Maxim Bogodvid / Mediabankka o‘tishXalyalnaya produksiya rossiyskogo proizvodstva
Xalyalnaya produksiya rossiyskogo proizvodstva - Sputnik O‘zbekiston
Obuna bo‘lish
Standartlarning joriy etilishi mahalliy ishlab chiqaruvchilar uchun sotuv bozorlarini kengaytirish va turizm sohasida ziyorat turizmini rivojlantirishga ko‘mak beradi

TOShKENT, 9 fev — Sputnik. O‘zbekistonda ISO 22000 va "Halol" standartlari rasman joriy etildi. Bu haqda O‘zbekiston standartlashtirish, metrologiya va sertifikatlashtirish agentligi ("O‘zstandart") xabar berdi.

Kolbasa Rozmetov - Sputnik O‘zbekiston
O‘zbekiston korxonasi xalqaro "Halol" sertifikatini oldi

Respublikada xalqaro standartlarni joriy qilish va amalda qo‘llash bo‘yicha chora-tadbirlar dasturi 2017-yil 23-noyabrda O‘zbekiston bosh vaziri o‘rinbosari tomonidan tasdiqlangandi.

"Halol" standartini joriy etish borasida amalga oshirilayotgan ishlar doirasida "O‘zstandart" agentligi qarori bilan 2018-yil 1-fevraldan Oz DSt 3286:2018 davlat standarti "Halol" oziq-ovqat mahsulotlari bo‘yicha umumiy qo‘llanma joriy etildi. Yaqin vaqt ichida "halol" mahsulotlarni sertifikatlashtirish organlari uchun tegishli yo‘riqnoma chiqadi.

ISO 22000 standartlari bu oziq-ovqat xavfsizligi sohasidagi menejment tizimi uchun xalqaro standartlar turkumidir.

"Halol" standartlarida mahsulotlarni ishlab chiqarish, saqlash, tashish, sotish va markalash jarayonlari islom qoidalariga muvofiq bo‘lishi talab etiladi.

Agentlikning qayd etishicha, standartlarning joriy etilishi mahalliy ishlab chiqaruvchilar uchun sotuv bozorlarini kengaytirish va turizm sohasida ziyorat turizmini rivojlantirishga ko‘mak beradi.

Yangiliklar lentasi
0