Analitika

Oʻzbekiston mahsuloti "Prodekspo-2018"da nima uchun oltin medal oldi

© Sputnik / /Lev RыjkovUzbekskiy stend shampanskix vin na vыstavke "Prodekspo" v Moskve
Uzbekskiy stend shampanskix vin na vыstavke Prodekspo v Moskve - Sputnik Oʻzbekiston
Moskvada 5-9 fevral kunlari "Prodekspo-2018" 25-xalqaro oziq-ovqat mahsulotlari koʻrgazmasi boʻlib oʻtdi. Sputnik muxbiri koʻrgazmadagi Oʻzbekiston Respublikasi stendi bilan tanishdi va taassurotlari bilan oʻrtoqlashdi

TOSHKENT, 9 fev — Sputnik, Lev Rыjkov. Dam olish kunidagi ulkan Samarqand bozorini: uning turli-tuman mahsulotlari, eng asosiysi, moʻl-koʻlchilikni koʻz oldingizga keltiring. Soʻngra bularning barini besh baravarga koʻpaytiring. Savdo rastalarini va ulardagi mahsulotlarni nazarda tutyapman. Xaridorlar sonini esa hech ikkilanmay oʻn martaga koʻpaytirishingiz mumkin.

Moskvadagi Ekspomarkazda boʻlib oʻtgan "Prodekspo" koʻrgazmasi koʻlami ana shu miqyosda boʻldi. Dunyoning oltmish uch mamlakatidan oziq-ovqat mahsulotlari, ichimliklar, xom ashyolar namoyish etildi. Albatta, Oʻzbekistondan ham.

Toshkent shampanining siri

Oʻzbekistonning "Ming bir kecha" uslubidagi boy va goʻzal stendida shampan shishalariga koʻzimiz tushdi. "Oʻzbekiston shampani" aktsiyadorlik jamiyati oʻz mahsulotlarini namoyish etayotgandi.

"Oʻzbekistonda shampan 1942 yildan beri ishlab chiqariladi, — deydi kompaniya tashqi iqtisodiy departamenti xodimi Doniyor Yodgorov. — Vino ishlab chiqarish texnikasi evakuatsiya vaqtida Rostov, Inkerman, Ukrainadan keltirilgan".

Bu yil oʻzbekistonlik vino ishlab chiqaruvchilar "Prodekspo"ga yangi mahsulotlari bilan kelishgan. Masalan, 1942 yildan buyon ilk bor respublikada bryut (shampan vinosi turi) ishlab chiqarildi. U koʻrgazmada namoyish etildi.

© Sputnik / /Lev RыjkovOʻzbekistondagi vino ishlab chiqaruvchi kompaniya vakillari
Predstaviteli uzbekskoy kompanii po proizvodstvu shampanskogo na vыstavke Prodekspo - Sputnik Oʻzbekiston
Oʻzbekistondagi vino ishlab chiqaruvchi kompaniya vakillari

"Uni klassik va akrotofor uslubda tayyorladik, — deydi Doniyor. — Taʼmi aʼlo darajada boʻldi. Shu bois uni eng yaxshi mahsulot tanloviga taqdim etdik. Hayajonlanyapmiz. Chunki raqobatchilar kuchli. Bu bryutni frantsiyalik hamkorlarimiz bilan tayyorladik, ular Frantsiyaning Shampan viloyatidagi zavod vakillari".

Kelgusida vino ishlab chiqaruvchilar oʻzlari yetishtirgan uzumlardan vino tayyorlashni rejalashtirishgan.

"Hukumat bizga uzum yetishtirish uchun uch yuz gektar yer ajratgan, — deydi Doniyor Yodgorov. — Kelgusi yili dastlabki hosilni olamiz".

Kompaniyaning asosiy savdo hamkori Rossiya, lekin bu yil Xitoy va Latviya bilan hamkorlik oʻrnatilishi kutilmoqda. Hozirda muzokaralar shartnoma tuzish bosqichida.

"Respublikada vinochilik juda yaxshi rivojlanmoqda, — deydi Doniyor. — Mamlakatimiz hukumati imtiyoz va preferentsiyalar ajratmoqda. Hech qanday muammosiz kreditlar berilmoqda".

Bu vaqtda oʻzbek shampanining xaridorlari koʻpayib borardi. Koʻrgazma mehmonlari stendga yaqinlashib xitob qilishardi: "O! Oʻzbek shampani!". Mezbonlar mehmondoʻstlikning eng oliy namunasini koʻrsatib barchani mehmon qilar, ularning baho berishlarini kuzatib turishardi. Baho esa hamma tomonidan bir xilda edi: "Ajoyib!".

© Sputnik / /Lev RыjkovKoʻrgazma mehmonlari oʻzbek shampanini totib koʻrishmoqda
Posetiteli Prodekspo degustiruyut uzbekskoye shampanskoye - Sputnik Oʻzbekiston
Koʻrgazma mehmonlari oʻzbek shampanini totib koʻrishmoqda

"Rossiya bozori biz uchun yaxshi tanish, — deydi "Oʻzvinosanoat" xoldingi investitsiyalar va xorijiy iqtisodiy faoliyat boshqarmasi boshligʻi Adola Vostrikova. — Bu bozor anʼanaviy ravishda bizning bozor hisoblanadi. Bizning bir nechta korxonalarimiz Rossiyada oʻz mijozlariga ega. Hozirda Xitoy bozoriga ham chiqmoqdamiz".

Xaridorgir mahsulotlar

Oʻzbekiston stendi har qanday koʻrgazmada odam eng gavjum stend hisoblanadi. Goʻyoki sharq bozoriga oʻxshaydi. Peshtaxtadan Buxoro, Xiva, Samarqand va Toshkent manzaralari aks etgan qutilarga joylangan yongʻoq, quritilgan mevalar oʻrin olgan. Qoʻlingiz beixtiyor bu goʻzallik sari uzatiladi.

Peshtaxta ortidagi xushmuomala menejerning ismi Odar ekan.

© Sputnik / /Lev RыjkovOʻzbekistondan keltirilgan quritilgan mevalar va shirinliklar
Uzbekskiye sladosti, orexi i suxofruktы na vыstavke Prodekspo v Moskve - Sputnik Oʻzbekiston
Oʻzbekistondan keltirilgan quritilgan mevalar va shirinliklar

"Bizning barcha quritilgan mevalarimiz 100 foiz tabiiy, — deydi u. — Ularni oʻzimiz quritamiz, tozalaymiz, bugʻ bilan qayta ishlov beramiz".

Suhbatdoshimning aytishicha, oʻzbekistonlik ishlab chiqaruvchilar mahsulotning sifatli boʻlishidan tashqari uning chiroyli qadoqlanishi ham muhim ahamiyatga ega ekanligini yaxshi tushunib olishgan. Quritilgan mevalar va yongʻoqlarning mahsulot shaklidagi koʻrinishi ustida eng yaxshi dizaynerlar ishlagan. Qadimiy shaharlar manzaralari tushirilgan qutilar yaqindan beri ishlab chiqarilmoqda. Odarning aytishicha, quritilgan meva va yongʻoqlar kilolab ham sotiladi. Hattoki qoplab ham. Lekin qadoq — buyuk kuch.

© Sputnik / /Lev Rыjkov"Prodekspo" koʻrgazmasida namoyish etilgan oʻzbek shampanlari
Uzbekskoye shampanskoye na vыstavke Prodekspo v Moskve - Sputnik Oʻzbekiston
"Prodekspo" koʻrgazmasida namoyish etilgan oʻzbek shampanlari

"Koʻpchilik bilan suhbatlashdik, — deydi u. — Xitoylar, turklar mahsulotlarimizni koʻrishdi, tijorat takliflarini berishdi. Kelasi haftada Turkiya yoki Xitoyga borishimiz mumkin. Gap mahsulot ishlab chiqarishni xorij texnikasi orqali kengaytirish haqida bormoqda. U yerga borib qanday uskunalar borligini koʻramiz".

P.S. Maqola chop etilishi arafasida tanlovga taqdim etilgan "Oʻzbegim" bryuti oltin medalga sazovor boʻlganligi xabar qilindi. Biz gʻoliblarni qutlaymiz va kelgusi yili ham oʻzbekistonlik ishlab chiqaruvchilar oʻz mahsulotlari bilan yuqori oʻrinlarga sazovor boʻlishlariga ishonamiz.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala