Hodisalar

Tojikistonda bugʻdoy unidan ommaviy zaharlanish yuz berdi - bir bola vafot etdi

© Sputnik / Artem Kreminskiy / Fotobankka oʻtishUborka zernovыx.
Uborka zernovыx. - Sputnik Oʻzbekiston
Oʻtgan yilning avgustida mahalliy tadbirkor Tojikiston janubidan besh ming kilogrammdan ortiq bugʻdoyni sotib olib qishloqqa keltirgan

TOSHKENT, 10 fev — Sputnik. Tojikistonning Togʻli Badaxshon muxtor viloyati Ishkashim tumanida mahalliy aholining ommaviy zaharlanishi qayd etildi, deb xabar berdi Sputnik Tojikiston.

Maʼlum qilinishicha, odamlar mahalliy tadbirkor tomonidan tayyorlangan bugʻdoy unini isteʼmol qilish oqibatida zaharlanishgan.

Oʻtgan yilning avgustida tadbirkor Tojikiston janubidan besh ming kilogrammdan ortiq bugʻdoyni sotib olib qishloqqa keltirgan.
Maʼlum boʻlishicha, bugʻdoy ichida geliotrop zaharli oʻsimligi boʻlgan.

Mashina skoroy pomoщi - Sputnik Oʻzbekiston
Jamiyat
Namanganda 36 kishi kalla-pocha va xasipdan zaharlandi

Yanchilgan bugʻdoy unidan tayyorlangan nonni isteʼmol qilish orqali dastlabki zaharlanish alomatlari shu yilning 17 yanvarida qayd etilgan. Viloyat kasalxonasiga Qurbonbekovlar oilasining besh nafar aʼzosi zaharlanish alomatlari bilan keltirilgan.

Mazkur holat boʻyicha Togʻli Badaxshon muxtor viloyati rahbari Shodixoni Jamshed topshirigʻi bilan mutaxassislardan iborat maxsus ishchi guruhi tuzilgan.

Shifokorlar bemorlarda organizmga geliotrop zaharli oʻsimligi tushishi oqibatida geliotropik zaharlanish yuz berganini aniqlashgan. 31 yanvar kuni kasalxonada oilaning 11 yoshli aʼzosi vafot etgan.

Ayni paytda kasalxonada 19 kishi zaharlanish alomatlari bilan davolanmoqda, ular orasida 8 nafar bola ham bor. Bolalardan biri ogʻir ahvolda.

Tibbiyot mutaxassislarining fikricha, tumanda dekabr va yanvar oylarida ushbu zaharli unni isteʼmol qilgan aholida zaharlanish alomatlari aprelda paydo boʻladi.

Zaharli bugʻdoy uni aholidan olib qoʻyildi va viloyat rahbariyati topshirigʻi bilan davlat moddiy zaxiralari agentligi zaxirasidan un tarqatildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala