O‘zbekistonda 500 ming dollardan ortiq mablag‘ kontrabandasi oldi olindi

© Sputnik / NewsTeamDollari SShA izyatie pravooxranitelnimi organami
Dollari SShA izyatie pravooxranitelnimi organami - Sputnik O‘zbekiston
Obuna bo‘lish
O‘zbekiston Jinoyat kodeksiga muvofiq naqd valyutani kontrabandasi uchun 8-yilgacha ozodlikdan mahrum etish jazo chorasi qo‘llanilishi mumkin

TOShKENT, 16 fev — Sputnik. O‘zbek chegarachilari Qirg‘izistonga 500 ming dollardan ortiq mablag‘ kontrabandasining oldini olishdi, deb xabar qildi "O‘zbekiston 24" telekanali.

Denejnie kupuri - Sputnik O‘zbekiston
O‘zbekistonda yevro kursi tushib ketdi

Xabarda aytilishicha, chegarachilar ruxsat etilmagan joydan chegarani kesib o‘tmoqchi bo‘lgan shaxsni ko‘rishgan. Uning yonida katta sumka bo‘lgan. Ushbu shaxsdan to‘xtash talab etilganda u sumkasini tashlab, qochib ketgan.

"Sumkada skoch bilan o‘ralgan 5, 15, 30 ming dollar o‘ramlar borligi aniqlangan. Valyutaning umumiy qiymati 573,280 dollarni tashkil qildi", — deb aytilgan xabarda.

Telekanal ma’lumotlariga ko‘ra, hozirgi vaqtda huquqbuzarni aniqlash bo‘yicha tezkor-qidiruv tadbirlar amalga oshirilmoqda. O‘zbekiston Jinoyat kodeksiga muvofiq naqd valyutani kontrabandasi uchun 8-yilgacha ozodlikdan mahrum etish jazo chorasi qo‘llanilishi mumkin.

O‘zbekiston-Qirg‘iziston chegarasida muntazam ravishda valyuta kontrabandachilari qo‘lga olinadi. O‘tgan yil dekabr oyida o‘zbek chegarachilari Namangan viloyatida yashovchi 2 nafar fuqaro qo‘lga olingan. Ular 469 ming dollar va 4,1 million Rossiya rubli kontrabanda qilishda gumon qilingan.

Yangiliklar lentasi
0