Zinnurov: turizm sohasida Tatariston va O‘zbekiston ajoyib munosabatlarni yo‘lga qo‘ygan

© SputnikDeputat Gosdumi RF Irek Zinnurov
Deputat Gosdumi RF Irek Zinnurov - Sputnik O‘zbekiston
Obuna bo‘lish
Tatariston prezidenti Rustam Minnixonovning O‘zbekistonga tashrifi, so‘ngra, Rossiyaning ushbu regioniga o‘zbek delegatlarining tashrif buyurishlari bugungi kunga kelib aniq natijalarni bermoqda, deydi Rossiya Dumasi deputati Irek Zinnurov

TOShKENT, 19 fev — Sputnik. Rossiya Davlat dumasi deputati, MDH masalalari bo‘yicha qo‘mita a’zosi Irek Zinnurov O‘zbekiston-Rossiyamunosabatlari regional darajada qay tarzda rivojlanayotgani hamda O‘zbekiston va Tatarston delegatsiyalarining o‘zaro bordi-keldilarining ilk muvaffaqiyatlari haqida so‘zladi. 

Prezident Tatarstana Rustam Minnixanov - Sputnik O‘zbekiston
Minnixanov: O‘zbekistonda bo‘lmaganlarga u yerga albatta borishni maslahat beraman
Parlament a’zosi so‘zlariga ko‘ra, ikki davlat o‘rtasidagi ikkiyoqlama aloqalarning faollashuvi regional hamkorlikning ham faollashuviga turtki bo‘lmoqda. Xususan, o‘tgan yilda Tatariston prezidenti Rustam Minnixonovning O‘zbekistonga tashrifi, so‘ngra, Rossiyaning ushbu regioniga o‘zbek delegatlarining tashrif buyurishi bugungi kunga kelib aniq natijalarni bermoqda.

"Tatariston respublikasidan Rossiya davlat dumasi deputati sifatida ushbu regionning taraqqiyotini diqqat bilan kuzatib kelmoqdaman. Xususan, bizning turizm vazirimiz bilan suhbatda bo‘ldim, va u menga hozirda ushbu sohada O‘zbekiston va Tatariston o‘rtasida ajoyib munosabatlar shakllanganligini ta’kidlab o‘tdi. Biz hamkorlikdagi loyihalarimizni rivojlantirmoqdamiz, bizning fuqarolarimiz orasida O‘zbekistonga dam olgani borayotganlari soni ko‘paymoqda, sizlarning fuqarolaringiz ham bu yerga tez-tez kelishmoqda. O‘tgan yil Kazan shahrini 2 milliondan ziyod turistlar ziyorat qilgan bo‘lsa, ular orasida o‘zbekistonliklar soni anchagina. Turistik oqim bo‘yicha bunday almashinuvlar sizlar uchun ham bizlar uchun ham foydali", — deb ta’kidladi Zinnurov.

Deputatga ko‘ra, hamkorlikdagi loyihalar, shuningdek, shu kunlarda Toshkentda bo‘lib o‘tayotgan o‘zbek-rossiya yoshlar forumi singari tadbirlar qardosh xalqlar o‘rtasidagi do‘stlikning mustahkamlanishiga xizmat qiladi va oldinda turgan umumiy masalalarni hal etishga yordam beradi.

Yangiliklar lentasi
0