TOShKENT, 23 fev — Sputnik. Qozog‘iston va O‘zbekiston chegarasida transport tirbandligi yuzaga keldi, deb xabar berdi Podrobno.uz nashri BNews.kz tayangan holda.
Xabarda aytilishicha, katta yuk mashinalari ikkinchi sutkadir-ki, bojxona ko‘rigidan o‘ta olmayapti. Bu dalnoboyshiklarning yo‘lini to‘sib qo‘ygan ulkan fura tufayli yuz berganligi ta’kidlangan.
"Uch sutkadan beri turibman. Bu odamni ustidan kulishdan boshqasimas. Oqshomlari noma’lum kimchalar yigitlarning pritsepidagi eshiklarga qo‘yilgan plombalarni ochib ketmoqda. Shuning uchun navbat qilishga to‘g‘ri kelyapti. Ayrim haydovchilarning viza muddati tugab bormoqda", — degan ular.
Haydovchilarning so‘zlariga ko‘ra, tirbandliklar 21-fevral kuni yuzaga kelgan. Ularning so‘zlariga ko‘ra, "Yallama" postida Qozog‘istondan O‘zbekistonga o‘tishi kerak bo‘lgan 200ga yaqin furalar to‘planib qolgan.
"Bu yerda yetti kilometrlik navbat hosil bo‘lgan. Hammasi to‘xtab qolgan. Bir sutkada faqat 800 metr siljish yuz berdi. Yuk mashinalari haydovchilari bir-biridan yegulik so‘rab yurishibdi", — deb hikoya qilgan yuk mashina haydovchilaridan biri.
Ushbu vaziyatga Janubiy-Qozog‘iston viloyati bojxona nazorati boshqarmasida izoh berishgan.
Rahbariyatning so‘zlariga ko‘ra, katta yuk mashinalari sonini 140tagacha qisqartirishga erishilgan.
Suhbatdosh shuningdek, ushbu avtomashina Qozog‘istonga qaytadigan bo‘lgan taqdirda ham xuddi shunday muammolar yuzaga kelishi mumkinligini ta’kidlagan.
