Jamiyat

Oʻzbekistonda oʻzak hujayralarni koʻchirib oʻtkazish amaliyoti boshlandi

© Foto:Ministerstvo zdravooxraneniya UzbekistanaVrachi-gematologi v Uzbekistane
Vrachi-gematologi v Uzbekistane - Sputnik Oʻzbekiston
Oʻzak hujayralarni koʻchirib oʻtkazish, asosan, oqqon kasaliga chalingan bemorlarni davolash uchun kerak boʻladi.

 

TOSHKENT, 26 fev – Sputnik. Shu kunlarda Oʻzbekiston Gematologiya va qon quyish ilmiy tekshirish institutida noyob amaliyotga qoʻl urildi, deb xabar qilmoqda Sogʻliq saqlash vazirlgii axborot xizmati.

Institut olimlari jahon tibbiyotining ilgʻor yoʻnalishi boʻlgan oʻzak hujayra transplantatsiyasini oʻzlashtirib, ushbu amaliyotni muvaffaqiyatli yoʻlga qoʻydi. 2017 yilda institutda besh nafar ogʻir qon kasalligi bilan xastalangan bemorga shu yoʻnalishda tibbiy yordam koʻrsatildi va ular sogʻlom hayotga qaytmoqda.

Xabarda aytilishiga koʻra, oldin ushbu amaliyotni bajarish uchun fuqarolar chet davlatlarga borib, 40 mingdan 150-200 ming AQSH dollarigacha boʻlgan narxlarda ana shunday jarrohlik amaliyotini oʻtkazishga majbur boʻlayotgan edi. Bundan buyon ushbu murakkab va noyob operatsiyalar Oʻzbekistonda ham amalga oshiriladi.

V operatsionnom bloke - Sputnik Oʻzbekiston
Jamiyat
Oʻzbekistonda buyrak va jigar koʻchirib oʻtkazish operatsiyalariga ruxsat berildi

Oʻzak hujayra transplantatsiyasini amalga oshirish uchun eng avvalo yuqori texnologiyali diagnostika-tahlil laboratoriya usullari va yuqori sezgirlikka ega reagentlar kerak. Chunki kasallikni aniqlash uchun xromosoma va gen darajasida tahlillar oʻtkazilishi zarur.

Hozirgi kunda institutda yangi texnologiyalarni amaliyotga tatbiq etish maqsadida gemopoetik oʻzak hujayralarini davolash markazi tashkil etilgan. Yangicha davolash uslubini chuqur oʻzlashtirish maqsadida Turkiya, Germaniya, Rossiya, Chexiya, AQSH kabi mamlakatlarda 35 nafarga yaqin mutaxassislar, jumladan, gematolog vrachlar, laborantlar va hamshiralar malaka oshirib kelishgan.

Jahon tibbiyotida oʻzak hujayrani koʻchirib oʻtkazishning ikkita turi keng qoʻllaniladi. Birinchisi bemorning oʻzidan sogʻlom oʻzak hujayralarni koʻchirib oʻtkazish. Bu amaliyot limfoma va miyeloma kasalliklarida qoʻllaniladi.

Ikkinchi uslub esa — oʻtkir leykoz (oqqon) kasalligida qoʻllaniladi. Bunda bemorning asosiy oʻzak hujayrasi ham kasallangan boʻladi va bunday vaziyatda donor koʻmagiga ehtiyoj tugʻiladi. Oʻzak hujayra transplantatsiyasida bemor uchun, eng avvalo, uning tugʻishgan aka-uka, opa-singillari asosiy donor boʻla oladi.

V Uzbekistane vpervыe provedena transplantatsiya pecheni - Sputnik Oʻzbekiston
Jamiyat
Oʻzbekistonda ilk marta jigar boʻlagini koʻchirib oʻtkazish operatsiyasi oʻtkazildi

Shuningdek, oʻtgan yildan eʼtiboran Akademik V.Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazida buyrak koʻchirib oʻtkazish boʻyicha operatsiyalar muvaffaqiyatli bajarib kelinayotgan boʻlsa, yaqinda ushbu markazda mamlakatimiz tibbiyoti tarixida birinchi marta jigarni koʻchirib oʻtkazish operatsiyasi bajarildi.

Eslatib oʻtamiz, Shavkat Mirziyoyev prezident etib saylanganidan soʻng Oʻzbekistonda Sogʻliqni saqlash sohasi, qattiq tanqid ostiga olingan edi. Xususan, prezident murakkab operatsiyalarni amalga oshirish uchun Oʻzbekistonlik bemorlar Rossiya, Isroil, Hindiston kabi mamlakatlarga borib minglab dollar xarajat qilishga majbur boʻlayotgani taʼkidlangan edi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala