TOShKENT, 5 mar — Sputnik. Toshkent viloyatining Qibray shaharchasi hududidan oqib o‘tuvchi "Bo‘zsuv" kanalidan 50-60 yoshlardagi yevropa millatiga mansub noma’lum ayolning jasadi topildi, deb xabar qildi O‘zbekiston IIV matbuot-xizmati.
Xabarda aytilishicha, ayol tanasi joriy yilning 18-yanvarida aniqlangan.
"Ayolning jasadi ko‘krak va biqin qismiga o‘tkir tig‘li jism bilan jarohat yetkazilgan holda topilgan edi", — deyiladi xabarda.
Ko‘rilgan choralar natijasida, ushbu jinoyatni yashash va ishlash joyining tayini bo‘lmagan, muqaddam sudlangan, 1977-yilda tug‘ilgan Gennadiy Korochensev mast holda sodir etganligi aniqlangan.
Jinoyatda gumonlanuvchi qo‘lga olingan.
