TOShKENT, 7 mar — Sputnik. Ichki ishlar vazirligi sobiq bosh prokurori Rashidjon Qodirovning o‘g‘li Alisherbek Qodirovni qidiruvdagi shaxslar ro‘yxatiga kiritdi.
Alisherbek Qodirovga nisbatan O‘zbekiston Jinoyat kodeksining quyidagi moddalari bilan jinoyat ishi qo‘zg‘atilgan:
165-moddaning 2-qismi "a" bandi — takroran yoki xavfli retsidivist tomonidan sodir etilgan tovlamachilik;
165-moddaning 3-qismi "a" bandi — juda ko‘p miqdordagi tovlamachilik;
168-moddaning 3-qismi "a" bandi — ko‘p miqdordagi firibgarlik;
168-moddaning 4-qismi "a" bandi — juda ko‘p miqdordagi firibgarlik;
Eslatib o‘tamiz, Bosh prokuratura tomonidan qo‘zg‘atilgan va tergov harakatlari o‘tkazilayotgan jinoyat ishi doirasida R.Qodirov O‘zbekiston Jinoyat-protsessual kodeksi 221-moddasi tartibida ushlanganligi haqida xabar berilgan edi.
